JOHAN 3:15 - Khumi Common Language Bible

¹⁵ Mosi my daichi ka-vym y pavui dang nai kamta ly, Khumi i Chapo ai dang naimy awm teang ai nai tla.

JOHAN 3:15 Iomraidhean Croise

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

Kati Nai 21:9

Naibaly Mosi ly kheupaja pavui myn sa iy teang tleaung y dang i, pavui my patiu nai ngierei ly kheupaja pavui myn ai khen baly dei y nai ne.

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

MARKA 16:16

Ym iy baptisma nga nai khumi ly hengra nga ai; ym y nai khumi ly sum naira nga ai.

LUKA 19:10

Khumi i Chapo ly tama naichi ai hau ai nai hawi paheng ai nai py ang jeu nai ne,” nanai thui.

JOHAN 1:12

Na i py mymy ai kawn iy, mymy i amyn y ym nai ngiereichi ai ly Tameuh i chanau lawn thai ai nai ang pei;

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 20:31

na i py Isu ly Krista, Tameuh i Chapo ne, nanai nangchi ym ai nai hawi, nangchi ym iy mymy i amyn y hengra nga ai nai py hinichi tajiu nai ne.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

JOHAN 6:47

Meitang khypkhyp kang thui pi, ym nai khumi ly deungtasarei hengra nga bo.

AMTAW 13:41

‘Tahm khai y nai keungchi awi, khen u cham, Rengrang py ti u ly, tamo my tamo u; Nangchi heng nai ryrei ly hini kai i atiti sairei sa nai ly Huni ly ami my nangchi teng y ang thui pi i py Nangchi pipi ym ai ny y,’ nanai ly,” napi.

AMTAW 8:36

Naibaly lam y chei hawi nai thym khala y ly mani tui awm naira y mo tym i, tli chum nai khumi my ly, “Khen cham, hi y tui awm, kai baptisma nga ai nai ly ati my ang paka rai mo?” napi.

ROM AVANGCHI TENG Y PAWLA I CHA PA NAI 5:21

hunaibaly kamngo my ly deira y peang nai kamta, pahenra my ly hawi naira y deungtasarei hengra nga ai nai ka-lawn pa-rei achi i Areng Isu Krista i saho y peang thai ai nai, kamngo peung naira tleirei y ly pahenra py khri pa-rei peung ra veng.

I KORINTH 1:18

Ati mana nai mo nabaly kraws satang ly tama dudu naichi i vui pathu naira ne, na i py achi hengra nga dudu naichi i vui ly Tameuh i atiti sa thai naira ne lawh veng.

II KORINTH 4:3

Na i py kaichi i Satang Kahawi thui nai ly mym vui nai awm lawh baly, tama dudu naichi theung y mym vui nai ne;

KALATIA 2:16

na i py Reita i atitichi sa nai deaungkho y ami my eaung naira ngo y leang, Isu Krista ai ym nai deaungkho y harei nga khyh, nanai achi py Reita i atitichi sa nai deaungkho y ny y i, Krista ai ym nai deaungkho y eaung naira nga thai ai nai, achi ly Krista Isu ai ym nai ne; khumi nanai ly Reita i atitichi sa nai deaungkho y eaung naira ha py ngo y leang.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

HEBRAI 10:39

Na i py achi ly tama naira tym pa-rei ni thun mang y anaw nai kamkawm ny y leang; hengra lawi hai ai nai ym naira awm nai kamkawm ne lawh veng.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

I JOHAN 2:25

Naibaly mymy kypkyp i achi ai adeu hai nai ly deungtasarei hengra ne he.

I JOHAN 5:1

Ami py Isu ly Krista ne, nanai ym nai ngierei ly Tameuh i tapen nai ne; ami py ni ai tapen nai keung ai tamen nai ly tapen nai ai py tamen reng.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.