JOHAN 3:11 - Khumi Common Language Bible

¹¹ Meitang khypkhyp kang thui pi, kaichi i pany nai ly kaichi thui, kaichi i niu nai py kaichi pany hai, na i py kaichi i pany hai nai leu ly nangchi ym y lawh.

JOHAN 3:11 Iomraidhean Croise

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

ISAIA 53:1

Khumi mipuichi my, “Vai, kaichi my thui pi nai satang ai ami my ym ai mo? Hinira i Areng i kupe lasa, ami my niu pajau ai mo?

ISAIA 55:4

Kai ly ni ai khumi cheng cheaungkhangchi i tavailu areng kehra y khai iy, kai i sa thai naira ly khumichi i mo y, pany hai pi ai.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 1:11

Mymy i khumichi teng y ang jeu i, mymy i khumichi ly ni ai kawn y.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

JOHAN 12:49

Kaimy paseang amang nai thui nai ny y leang: kai i thui ai nai hawi thai hai ai nai ly kai ai pato nai keung Ampo i leu ang pei nai ne.

JOHAN 14:24

Ami py kai ai tamen y nai ly kai i leu py tangai y; nangchi i leu thai nai ly kai i ny y leang, Ampo, kai ai pato nai keung i teu.

JOHAN 3:12

Khaileaung pri i satang atiti kang thui pi nai malawn py ym u y baly, kani pri mang i satang atiti kang thui pi nai ipsaly mana ym u ai mo?

JOHAN 3:13

Kani pri i dengdairei satla kathiu nai keung ny y baly ami py kani pri y lyn vai y; huni ly Khumi i Chapo ne:mymy ly kani pri y awm nai he.

JOHAN 3:3

Isu my pathang i ni teng y, “Meitang khypkhyp kang thui pi, khumi ami py kangtha tapen y baly Tameuh i peang naira niu thai y leang,” napi.

JOHAN 3:5

Isu my pathang i, “Meitang khypkhyp kang thui pi, khumi ami py tui y hawi Phailo y tapen y baly Tameuh i peang naira y kun thai y leang.

JOHAN 5:43

Ngaai i amyn y kang jeu nai i, nangchi ly kai ai kawn y; khumi takhra ly amy i amyn y jeu i khyly ni ai ly nangchi my kawn ai.

JOHAN 7:16

Naibaly Isu my nichi teng y, “Kai i leu patiu nai ly kai i ny y leang, kai ai pato nai keung i teu.

JOHAN 8:14

Isu my nichi teng y, “Amy i satang apany hai nai ne i py, kai i pany hai nai leu ly teng; kai ly kaimy i theu naira hawi chei ai naira py kapany; nangchi ly kai i theu naira hawi chei ai naira py pany y.

JOHAN 8:26

Nangchi i molam y kai ly atiti neangneang thui ai nai hawi chih ai nai py awm; ati py ne sy, kai ai pato nai keung ly meitang khypkhyp ne:ni teng i leu kathai nai ngierei ly khaileaung pri y kathui,” napi.

JOHAN 8:38

Ngaai teng y kai i atiti niu nai ly kathui, nangchi py ngampo teng y nangchi i atiti thai nai ly nangchi my sa,” napi.

AMTAW 22:18

naibaly, ‘Awn ly, Jerusalem i dengdairei theu jau, kai i satang nang thui ai nai ly nichi tangai ai ny y leang he, ang napi thym nai kaniu.

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he: