JOHAN 21:17 - Khumi Common Language Bible

¹⁷ Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

JOHAN 21:17 Iomraidhean Croise

2 SAMUELA 7:20

Kai ly ati mana nang teng y hnei bi pajau ai mo? Nang i miseaung kai i satang nangmy pany.

1 ARENG KEH 17:18

Neampachy lumai ly Elija teng y, “Aw Tameuh i khumi awi, nang ly ati mana nai kai ai hini patang naira tym hai lawh mo? Nang ly kai i chapo ai dei ai nai pa-rei Tameuh teng y, kai i kamngochi pany hai ai nai hini meingtym y jeu nai a?” napi.

1 NENG SATANG 17:18

Hini tleaung y mana hnei takeng ai mo! Nang ly kai i satang hawihai palai pany i py, nang i miseaung kai ai tahm pasang bo.

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

TANGAM NAI LEU 3:33

Mymy ly achi ai paleung si vo tangam hai iy patang hai teu i py, paleung ka-dawn hawi hai y.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MARKA 14:72

Naibaly a kheaung pa-nyh kheaung praw ryp. Hunaibaly Petera ly Isu my ni teng y, “A tlen nyhrei kheaung y rai kha y nang ly kai ai tlen thomrei apha ai,” napi nai leu ly adawn vau bi. Naibaly ni ly huni satang dawn baly vo ryry.

JOHAN 12:8

Khumi kamawnchi ly nangchi teng y awm jo chy bo, kai naini nangchi teng y kang awm jojo ai nai ny y leang,” napi.

JOHAN 13:38

Isu my, “Kaimy i vui y nang i hengra pei ai lo-oh? Meitang khypkhyp kang thui pi, nangmy kai ai tlen thomrei apha y ryrei ly a kheaung ai ny y.

JOHAN 14:15

“Nangchi ly kai ai tamen baly kai i leu pei naichi tangai u ai.

JOHAN 15:10

Kai ly Ngaai i leu pei nai tangai iy, ni i tamen naira y awm jo nai kamta, nangchi py kai i leu pei nai tangai baly kai i tamen naira y awm u jo ai.

JOHAN 16:30

Nangmy ati cheaungkhang pany, ami mi py nang teng y atiti deng ai nai aly by y, nanai vai ly kaichi pany bo; hunai deaungkho y nang ly Tameuh teng i nai theu nai ne, nanai kaichi ym mang,” napi.

JOHAN 18:27

Hunaibaly Petera ly apha bi; naibaly a kheaung praw ryp bo.

JOHAN 18:4

Hunaibaly Isu my mymy i tlang tleaung y atiti tym ai nai ngierei pany yb i theu iy nichi teng y, “Ami ai hau u mo?” napi.

JOHAN 21:18

Meitang khypkhyp kang thui pi, nang ly thawndeang khala y neina akyn iy, nangmy ngai naira tleirei y aleaung; na i py miteaung bo nabaly nang ly kiu palam ai i ami my kawm hai iy, nang i ngai y naira mang y ang pahawi ai,” napi.

JOHAN 4:16

Naibaly Isu my ni teng y, “Chei ly, nang i juvo ai palau ly, hi y jeu bi ba,” napi.

AMTAW 1:24

Naibaly nichi chiu sa i, “Areng awi, nang ly khumi bawibawichi i paleung pany nai keung ne, Juda ly mymy i awm naira y chei ai nai phra i,

AMTAW 11:10

Hunai ka-tawm ryry naimy tlen thomrei awm; naibaly ati cheaungkhang kani mang y abang kalau ali teang bi bo.

AMTAW 15:8

Naibaly paleung ai pany nai keung Tameuh my achi ai ang pei nai kamta ly Phailo Kachai mymychi teng y pei teang iy, mymychi ai kawn nanai pany hai bo;

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

EPHESI 4:30

Tameuh i Philo kachai ai ly paleung mawn hai u moh, mymy y ly nangchi ai atleu nai kani i vui ly ang pajawp hai typ bo.

JOSUA 22:22

“Sa thai naira len parai nai keung ly Tameuh ne! Mymy ly Areng ne. Sa thai naira len nai keung ly Tameuh ne! Mymy ly Areng ne. Achi i maicham ai ati mana nai y sa ai nai tla mo, nanai mymy ly pany. Nangchi ai py pany hai ai nai ngai. Kaichi ly Areng ai tiu iy, ka-ym by y baly tlang heng ai nai pei moh!

I PETERA 1:6

Nangchi ly huni naira y khri pa-rei amo theu nai ne; ne mang ly mai y cham reng nai phra thai nai muku tleaung y teng keh nai nangchi i ym naira ai cham nai ly,

II PETERA 3:1

Ngai parai naichi awi, vai nangchi teng y katajiu nai ly kai i cha pa-nyh kang pa nai ne; nangchi ly amo kachaichi i leu thui rym nai hawi, nangchi i amtaw thau naichi i labeaung y Areng hawi Paheng Keung i leu pei nai py pany jo ai nai,

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.