JOHAN 21:16 - Khumi Common Language Bible

¹⁶ Naibaly pa-nyh ni teng y, “Simon, Johan i chapo, nang ly kai ai tamen a?” napi bi. Ni my ly, “Ne, Areng awi, kai ly nang ai khrei nanai nang pany chy bo,” napi bi. Mymy ly ni teng y “Kai i beramchi ai kry,” napi.

JOHAN 21:16 Iomraidhean Croise

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 95:7

Mymy ly achi i Tameuh ne; achi ly mymy i kry nai khumichi, mymy pacho panei nai beram kanghuchi ne. Mymy i leu pei nai ai, vaini tangai u sina:

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

MATTHAI 2:6

amo my ly, ‘Judai pri i Bethlehem avang awi! Nang ly Judai pri i avang theung y theang keh y leang! Kai i khumi Israelachi ai typ nai keung lawn ai nai, Nang theung i dengdairei peang nai keung leaungrei theu ai,’ nanai hina nai tajiu,” napi.

MATTHAI 25:32

naibaly mymy i mo y ly cheng cheaungkhangchi achu ai; naibaly typ nai keung ly mi-ichi theung i nai beramchi ai khawi takhra nai kamta, nichi ai ly khawi takhra ai;

MATTHAI 26:72

Naibaly mymy ly, “Kai ly huni khumi ai kapany y leang,” nanai vaineng abeu naimy apha bi.

LUKA 19:10

Khumi i Chapo ly tama naichi ai hau ai nai hawi paheng ai nai py ang jeu nai ne,” nanai thui.

JOHAN 18:17

Naibaly katheu pa-kho typ nai anglo my ly Petera teng y, “Nang py hini khumi khi y abangnaichi theung y abawi teang lo-oh?” napi. Ni my ly, “Ny y leang,” napi.

JOHAN 18:25

Naibaly Simon Petera ly angdo nai tarawi y mai aawm i nichi ly, “Nang py ni khi y abangnaichi theung y abawi teang lo-oh?” napi.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.