JOHAN 21:15 - Khumi Common Language Bible

¹⁵ Naibaly nichi ly cha pajau bo nabaly Isu my Simon Petera teng y, “Simon, Johan i chapo, nang ly hinichi tleaung y kai ai tamen keh a?” napi. Ni my ly ni teng y, “Ne, Areng awi, kai ly nang ai khrei nanai nang pany chy bo,” napi. Ni my ly ni teng y, “Kai i beram chochi ai pacho” napi.

JOHAN 21:15 Iomraidhean Croise

ATITI AWM ANGCHEI NAI 33:13

Jakob my ly “Nang i niu nai kamta deaungdichi ly theangtlai rai i, tawnbawichi hawi chochi ai py kadawn hai: nichi ai kani khengrei tako hai baly kanghu verei dei be ai.

2 SAMUELA 7:20

Kai ly ati mana nang teng y hnei bi pajau ai mo? Nang i miseaung kai i satang nangmy pany.

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

JEREMIA 23:4

Kai ly nichi ai kry ai nai peang nai keungchi kakhai pi ai. Kai i khumichi ly jei hyn u ai ny y. Kai ly nichi ai kapajeng ali bi ai ny y. Hini ly kai, Areng i thui nai leu ne,” napi.

JEREMIA 3:15

Kai i leu tangai nai beram typ keungchi ai, nangchi teng y kang pei ai. Nichi ly nangchi ai cheng naira hawi, pany thai naira hawimy peang u ai.

Ezekiela 34:23

Nichi i vui beram typ nai keung leaungrei lawm ai nai, kai i miseaung Davida ka-tawm samrang khai pi ai. Ni my ly nichi ai kry ai.

Ezekiela 46:24

Huni khumi my, “Hini takeangchi ly khumichi my talam nai tawnbawichi ai, Achura yhm y kalop amsi nai khumichi i, mawi byhra takeangchi ne,” nanai kai teng y ang thui pi bo.

MATTHAI 10:37

Ami py mymy i amhm ai mo, ampo ai mo, kai tleaung y tamen keh lawh nai ly kai i khumi lawn ai nai ataing y leang; ami py mymy i chaniu ai mo, chapo ai mo kaimy tleaung y tamen keh lawh nai py kai i khumi lawn ai nai ataing y leang.

MATTHAI 16:17

Naibaly Isu my ni teng y, “Simon Bar-Jona, nang ly taham hawi mang: huni satang ly thi hawi ngan ly nang teng y amteng hai nai ny y leang, kani pri mang i Ngaai my amteng hai nai teu.

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

MATTHAI 26:33

Na i py Petera my ly mymy teng y, “Bawibawichi ly nang i molam y atlym u bebe iy py kai ly atlym ai nai aveng,” napi nai pathang.

MATTHAI 26:35

Petera my ly mymy teng y, “Nang i dei naira y dei teang iy py kai ly pipi apha y ai,” napi. Hunai kamta teang abangnai bawibawichi ly napi bebe.

MARKA 14:29

Na i py Petera my ly mymy teng y, “Bawi bawichi ly nang i molam y atlym bebe iy py kai ly atlym y ai,” napi.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

LUKA 22:32

na i py nang i ym naira phra y ai nai chiu kang sa pi bo; nang ly hi ali teang nai khala y ly nangmy i amjo amnauchi ai khaw hai ba,” napi.

JOHAN 1:42

Mymy ly ni ai Isu teng y hawi i, Isu my ni ai khen iy, “Nang ly Johan i chapo Simon ne; Kipha ang pathi ai,” napi; (huni ly Petera nanai sai ne.)

JOHAN 13:37

Petera my ni teng y, ‘Areng, ati mana nai vai py abang thai y mo? Nangmy i vui y kai i hengra kapei ai,” napi.

JOHAN 16:27

Nangchi ly kai ai tamen i, kai ly Ampo teng i nai theu iy khaileaung pri y kang jeu, nanai py ym u nai deaungkho y, Ampo kypkyp my nangchi ai ang tamen.

JOHAN 21:12

Naibaly Isu my nichi teng y, “Jeu u ly, cho u,” napi. Na i py abangnaichi theung y ami py ni teng y, “Nang ly ami mo?” nanai deng vam y, Areng ne nanai ly pany nai bo.

JOHAN 21:7

Hunaibaly abangnai leaungrei Isu my tamen nai my ly Petera teng y, “Areng na a ho ly,” napi. Hunaibaly Areng ne, nanai Simon Petera pany baly, tlang ka-keu awm nai y baichu apam i ang y tlenrei kyh my satla.

JOHAN 8:42

Isu my nichi teng y, “Tameuh ly nangchi i Ampo ne i khyly nangchi ly kai ai tamen ai bo: kai ly Tameuh teng i theu nai hawi, ni teng i dengdairei kang jeu nai ne:kaimy ngaingai kang jeu nai ny y leang, ni my ang pato nai teu.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

AMTAW 20:29

Kai chei nai bo y ly kasui kasichi ly nangchi theung y ang kun ai i, kanghu ai ly ang khai ai nai ny y leang, nanai kai pany.

ROM AVANGCHI TENG Y PAWLA I CHA PA NAI 14:1

Naibaly ym naira y ham y nai khumi ai ly mymy i ym thai y nai sai cheh y naimy kawn u.

ROM AVANGCHI TENG Y PAWLA I CHA PA NAI 15:1

Hunaibaly achi ham naichi ly amy i kawn naira hau y naimy, ham y naichi i ham y naira y ly achi my kham pi ai nai tla.

I KORINTH 8:11

Hunaibaly nang i pany naira y ham y nai khumi ly tama ai bo; naibaly huni amjo amnau i jeng y Krista dei pi bo.

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.

I JOHAN 4:19

Mymy ly achi ai ang tamen man nai deaungkho y achi ly tamen nai ne.

I JOHAN 5:1

Ami py Isu ly Krista ne, nanai ym nai ngierei ly Tameuh i tapen nai ne; ami py ni ai tapen nai keung ai tamen nai ly tapen nai ai py tamen reng.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.