JOHAN 20:9 - Khumi Common Language Bible

⁹ Mymy ly kadeichi theung i nai angthau bi ai nai tla, nanai Tameuh i cha-iu leu sai nichi pany y rai.

JOHAN 20:9 Iomraidhean Croise

SAM 16:10

Ati mana nai mo nabaly nang ly kai ai tavau kho y chei ai nai pei y nai deaungkho y ne. Kai ly ka-ym awm parai naimy kalop sa pi bo. Kai ai deira tavau kho y au su ai ny y.

SAM 22:15

Kai i tao ly spryh kamta phuirawm i, kai i palai py dangkang y akau vui bo. Nang ly kai ai dei hai ai nai spryhra y khai su bo.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

MATTHAI 22:29

Isu my ly nichi teng y, “Nangchi ly Tameuh i cha-iu leu hawi Tameuh i atiti sa thai naira pany u y nai deaungkho y dawn tamang u nai ne.

LUKA 24:26

Krista ly huna nai atiti patang iy nang parai naira y kun ai nai angchi ny y a?” napi.

LUKA 9:45

Na i py ni i leu thui nai ly nichi dawn ai nai pany y, nichi pany thai y ai nai heu pi vui nai ne; hini leu thui nai satang py mymy teng y khy deng vam y.

JOHAN 2:22

Hunai deaungkho y mymy ai ly kadeichi theung i nai pathau nai bo y, ni ly huni leu thui bo, nanai abangnaichi my adawn vau i, Tameuh i cha-iu leu sai hawi Isu i leu thui nai py ym u bo.

AMTAW 17:3

Krista ly ngari patang ai nai hawi, kadeichi theung i dengdairei angthau bi ai nai angchi yb nai saichi py chai pyn pa-rei thui pi pachai i, “Hini Isu, mymy i leu kang thui pi nai ly, mymy ly Krista ne,” napi.

AMTAW 2:24

Mymy ai ly deira my patawn pajau ai nai ly aveng nai deaungkho y, deira my kawm naichi ly Tameuh my su pi i pathau bo.

I KORINTH 15:4

naibaly Tameuh i cha-iu leu kamta mymy ai kani thomrei kani y pathau i, Kipha teng y amteng;