JOHAN 20:26 - Khumi Common Language Bible

²⁶ Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi.

JOHAN 20:26 Iomraidhean Croise

ISAIA 26:12

Aw Areng, nang ly kaichi ai nang chawn ai nai pei ai. Kaichi i eaung nai ngiereichi ly nang i sa pi naichira i hawi naira ne.

ISAIA 27:5

Na i py kai i khumichi i paleung ka-echi ly kai i ama hai nai ngai lawh teu baly, kai hawi aly naira nga ai nai sa u ai nai tla. Nichi ly kai hawi aly naira nga ai nai, meitang khyp sa u ai nai tla,” nanai leu pei ai.

ISAIA 54:10

Mawi katheang kalenchi ly anawi iy phra pawn ai. Na i py nangchi i tlang tleaung y kai i tamen nai ly mana khala py tem ai ny y. Aly nai leu ka-deu ai, kai ly khaw hai jojo ai, nanai nangchi ai tamen nai Areng my leu pei bo.

MATTHAI 17:1

Naibaly Isu ly kani tariurei nai khala y ly Petera ai py, Jakob nini amjo amnau Johan ai py hawi takhra iy, mawi asang parai naira ychei hai kalau;

MARKA 16:14

Naibaly huni bo y bi baly nichi ly biu o nai thym khala y mymy ly holai hareichi kypkyp teng y amteng bi: naibaly nichi ly ym naira by y nai hawi paleung kyh chawn veng iy niu naichi i leu ym u y nai deaungkho y mymy ly nichi ai preng.

LUKA 24:36

Naibaly huna nai leu thui thym khala ly mymy kypkyp my nichi theung y angdo iy, “Nangchi teng y paleung awmnem naira awm sy,” napi.

LUKA 9:28

Naibaly hina nai awm, huni leu thui nai bo y kani tajarei mo khala, mymy ly Petera hawi, Johan hawi, Jakob ai py hawi iy chiu sa ai nai mawi asang parai naira chei kalau.

JOHAN 11:16

Naibaly Thoma, Diduma napi nai my ly abangnai ahawichi teng y, “Mymy hawi dei ai nai chei teang sina,” napi.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 20:19

Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi.

JOHAN 20:21

Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi.

JOHAN 21:1

Hunai bo y Isu ly Tiberi ang y abangnaichi teng y amteng bi i, hina nai ka-tawm amteng.

JOHAN 21:14

Huni ly Isu my kadeichi theung i nai angthau bi nai bo y abangnaichi teng y pa-thom amteng nai ne.

AMTAW 1:3

Hunichi teng y ly mymy i ngari patang nai bo y neangneang pany kyp naira y mymy ly heng teang, nanai amteng hai iy, kani vui palyhrei sala y mymychi teng y amteng pi i, Tameuh i peang nai satang thui pi;