JOHAN 20:19 - Khumi Common Language Bible

¹⁹ Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi.

JOHAN 20:19 Iomraidhean Croise

SAM 122:8

Kai ly amjo amnauchi hawi, ahawichi molam y Jerusalem mary ai, “Nang teng y tlamsa naira awm sy!,” napi.

MATTHAI 10:13

Naibaly huni yhm ly amtheaung hai nai leu nga ai nai ataing baly, nangchi i awmnem nai leu ly huni yhm y tym sy; ataing y baly nangchi i awmnem nai leu ly nangmychi teng y ali teang sy.

MATTHAI 18:20

Naibaly mani meingtym y py leaung nyhrei mo leaung thomrei mo kai i amyn y achu baly mychi theung y kaawm ai,” napi.

MARKA 16:14

Naibaly huni bo y bi baly nichi ly biu o nai thym khala y mymy ly holai hareichi kypkyp teng y amteng bi: naibaly nichi ly ym naira by y nai hawi paleung kyh chawn veng iy niu naichi i leu ym u y nai deaungkho y mymy ly nichi ai preng.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 16:22

Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 20:21

Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi.

JOHAN 20:26

Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi.

JOHAN 21:1

Hunai bo y Isu ly Tiberi ang y abangnaichi teng y amteng bi i, hina nai ka-tawm amteng.

JOHAN 21:14

Huni ly Isu my kadeichi theung i nai angthau bi nai bo y abangnaichi teng y pa-thom amteng nai ne.

JOHAN 7:13

Khumi mipuichi ai tapawp nai teu,” napi. Na i py Judaichi ai jei nai deaungkho y ami py ni i satang ka-thai ra y thui vam y.

AMTAW 1:3

Hunichi teng y ly mymy i ngari patang nai bo y neangneang pany kyp naira y mymy ly heng teang, nanai amteng hai iy, kani vui palyhrei sala y mymychi teng y amteng pi i, Tameuh i peang nai satang thui pi;

ROM AVANGCHI TENG Y PAWLA I CHA PA NAI 15:33

Naibaly aly nai Tameuh ly nangchi bawibawi teng y awm sy. Amen.

I KORINTH 15:5

huni bo y ly amjo amnau holai nyhreichi teng y amteng bi;

EPHESI 2:14

Mymy ly achi i aly naira ne, naibaly mymy y kamkawm nyhrei nai ai ly khumi kangtha bomrei sa iy aly naira sa thai ai nai,

EPHESI 6:23

Ampo Tameuh hawi Areng Isu Krista teng i dengdairei awmnem naira hawi ym naira abawi nai tamen naira py amjo amnauchi teng y awm sy.

PHILIPI 1:2

Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

II THESALONIKA 3:16

Naibaly aly nai Areng kypkyp my ly cheaungkhangra y nangchi ai aly naira mana khala y py pei sy. Areng ly nangchi bawibawi teng y awm sy.

HEBRAI 7:2

Naibaly Abraham ly mymy teng y cheaungkhangra y horei y harei pei. Ni i amyn angchei i awm nai sai ly Hawi naira Samrang ne, huni i ka-tla ly Salem i Samrang ne teang: huni ly Aly nai Areng, nanai sai ne;

III JOHAN 1:14

Nang i tlang tleaung y awmnem naira awm sy. Ahawichi my ly nangchi teng y kawn nai leu ang thui pi.

AMTENG HAI NAI 1:4

Johan my ly Asia pri i palau takhra kamkawm saryhreichi teng y ly: Vai awm nai hawi, jangni i dengdairei awm nai hawi, vai momang y awm ai nai keung teng i dengdairei hawi, mymy i areng atehra mo y awm nai Phailo saryhreichi teng i dengdairei hawi,