JOHAN 20:17 - Khumi Common Language Bible

¹⁷ Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 20:17 Iomraidhean Croise

2 ARENG KEH 4:29

Elisa ly Kehazi mang y motha iy, “Kai i cheaungvawi lo ly chei kaliki; lam y ami ai py leu preng moh. Nang ai leu preng lawh teu i py pathang moh. Yhm y tym pa-rei chei iy, deaungdi salo y kai i cheaungvawi khai ba,” nanai pato.

2 ARENG KEH 7:9

Na i py nichi ly “Achi ly hina nai kamta sa ai nai avo y! Achi teng y satang kahawi awm nai ne iy, huni satang ly payh vui ai nai avo y. Achi ly hini satang ai thui y naimy, khutawi pa-rei awm lawh teu baly pajeng naira avum takengkei ai. Hunai deaungkho y vaimy, samrang i bangtangchi teng y thui pi u sina!” nanai mychi tengtawi arum u.

SAM 22:22

Nang i sa nai leaungsaichi ai, kai i amjo amnauchi teng y amti pi ai. Nichi i achu naira y kai ly nang ai palo ai.

SAM 43:4

Huna nai khala y aw Tameuh, kai ly nang i maicham mang y ahihawi ai. Kai ly nang teng i amo theu naira kanga nai ne. Aw Tameuh, kai i Tameuh, nang ai taro beu naimy kang palo ai.

SAM 48:14

Huna nai khala nangchi ly “Hini Tameuh ly deungtasa khrairei achi i Tameuh ne; mymy ly achi ai deungtasarei ang pahawi ai,” nanai mo mang i deung kangthauchi teng y thui pi pajau ai.

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

SAM 89:26

Ni ly kai teng y, “Nang ly kai i ampo hawi kai i Tameuh, nang ly kai i abyhra hawi kai i atleu keung ne,” nanai thui ai.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:38

Naibaly nichi ly kai i khumichi lawm iy, kai py nichi i Tameuh lawm ai.

Ezekiela 36:28

Huna nai khala nangchi ly nangmychi i amsi pajochi teng y awm ai nai nga u ai. Nangchi ly kai i khumichi lawm iy, kai py nangchi i Tameuh lawm ai.

Ezekiela 37:27

Kai ly huni meingtym y nichi hawi vanrei awm iy, nichi i Tameuh lawm ai. Nichi py kai i khumichi lawm u ai.

MATTHAI 12:50

“Khen cham, kai i amhm hawi kai i amjo amnauchi ly! Ati mana nai mo nabaly ami py kani pri mang i Ngaai i kangai sa nai ngierei ly kai i amjo amnau hawi, kai i tuicho hawi, kai i amhm py ne,” napi.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MATTHAI 28:7

Naibaly tako hawi kaliki ly, abangnaichi teng y, ‘Mymy ly kadeichi theung i nai angthau teang bo: khen cham, Kalili pri y nangchi i mo y ang tako bo; nangchi ly hu y mymy ai niu ai mang,’ tapi hawi. Khen cham, kang thui pi bo he,” nanai pathang.

MARKA 12:26

Naibaly kadeichi ai pathau bi ai nai leu ly, Mosi i cha-iu y lymlo kangpho satang tajiu naira y Tameuh my, ‘Kai ly Abraham i Tameuh, Isaka i Tameuh, Jakob i Tameuh ne,’ nanai thui nai ly nangchi phain u y nai sai a?

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

LUKA 10:4

Tangka yh hawi jibo hawi phainai py syn u moh, lam sala y ami ai preng u praw moh.

JOHAN 13:1

Naibaly Isu ly Katlen Vui nai pawi ny y rai kha y hini khaileaung pri i nai theu vui iy, Ampo teng y chei ai nai neng bo, nanai pany i, mymy i khaileaung pri y awm nai khumichi ai ang tamen iy tem khala kharirei ang tamen jo.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 14:2

Ngaai i yhm y awmra neangneang awm; by y nai khyly kaimy kang thui pi ai bo; nangchi i vui meingtym sa rym ai nai kai chei ai bo he.

JOHAN 14:28

‘Kai ly tako veng ai i, nangchi teng y kang jeu teang ai,’ kang napi nai ly nangchi pany bo. Nangchi ly kai ai tamen baly, kai ly Ampo teng y kachei ai nai deaungkho y nangchi kawn ai bo; ati mana nai mo nabaly Ampo ly kai tleaung y len keh nai ne.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 16:28

Kai ly Ampo teng i nai theu iy khaileaung pri y kang satla bo; kai ly khaileaung pri i nai theu vui iy Ampo teng y kavawi teang ai,” napi.

JOHAN 17:11

Naibaly kai ly khaileaung pri y awm y leang bo, hinichi ly khaileaung pri y awm ai, kai naini nang teng y kang vawi ai bo. Aw Ngaai Kachai, nichi ly ani kamta bomrei awm thai ai nai, nangmy kai teng y au naichi ai ly nangmy i amyn y kry ba.

JOHAN 17:25

Aw Ngaai Kahawi, khaileaung prichi ly nang ai pany y bo, kai naini pany; naibaly nangmy kai ai pato, nanai py hinichi ly pany;

JOHAN 17:5

Aw Ngaai, khaileaung pri by y rai khala y kai ly nang khi y nang parai naira kanga nai hawi ly vai ly kai ai palo.

JOHAN 20:27

Naibaly mymy ly Thoma teng y, “Nang i kiu pajeung thawi ly kai i kiu khen cham; nang i kiu thawi ly kai i pana y tapo; ym y naimy awm moh, ym ba,” napi.

JOHAN 7:33

Naibaly Isu my, “Tanarei chy sala y nangchi teng y kang awm ai i, kai ai pato nai keung teng y kachei vui ai.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

KALATIA 3:26

Nangchi ly Krista Isu ai ym u nai deaungkho y Tameuh i chanau lawn u be bo;

HEBRAI 11:16

Na i py vai ly nichi ly kani pri mang y awm nai, hawi tleaung hawi ra nai pri dawn nai ne; hunaibaly Tameuh my nichi i Tameuh angam ai nai kaji y leang; mymy ly nichi i vui avang khai pi rym veng bo.

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.