JOHAN 20:16 - Khumi Common Language Bible

¹⁶ Isu my ni teng y, “Mari,” napi. Ni my ly hi iy ni teng y Hebrai leu y, “Rabboni” napi; (huni ly Sara nanai sai ne).

JOHAN 20:16 Iomraidhean Croise

ATITI AWM ANGCHEI NAI 22:1

Kanirei nai khala, Tameuh my Abraham ai cham ai nai ngai i mymy ly “Abraham!,” nanai palau. Abraham my, “Ne, kai hi y awm!” napi.

ATITI AWM ANGCHEI NAI 22:11

Hunai thym khala Areng i kani pri amtaw thau naimy kani mang dengdairei, “Abraham, Abraham!” nanai palau. Mymy ly “Areng, kai hi y awm,” nanai pathang.

ATITI AWM ANGCHEI NAI 45:12

Josepha my, “Vai nangchi hawi leu arum nai khumi ly Josepha ne, nanai Benjamin py, nangchi bawibawi my py mei hawi niu u bo.

THEU NAI 3:4

Mosi chei nai thym y Areng my lymlo kangpho theung mang, “Mosi! Mosi!” nanai palau. Huna nai khala Mosi my, “Areng, Kai hi y awm,” nanai pathang.

THEU NAI 33:17

Areng ly Mosi teng y, “Kai ly nang ai hawihai palai pany iy paleung kang no nai deaungkho y, nang i hnei nai kamta kang sa pi ai,” napi.

Solomon i khulym 3:4

Kai ly tamcheaung typ naichi teng i nai theu chum baly, kaimy i khrei nai keung ai avum praw ryp bo. Kai ly ni ai tleaung y pa-rei takawi cheng iy, kaimy i amhm yhm, kai ai tapen nai takun theung y pahawi bo.

Solomon i khulym 5:2

Kai ly i nem teu i py, kai i paleung ly i y. Kai i amang mang y khrei nai keung my katheu takheih nai thai. Kai i paleung jyn y khrei nai, kai i amprym buhu, kamngo by y nai kai i khrei nai awi, kai ai kun ai nai pei ba. Kai i lu ly kadam hawi py, kai i sam ly kadam tui hawi py suipa na bo.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

MATTHAI 14:27

Na i py Isu my ly nichi ai preng praw i, “Paleung awmnem naimy awm u; kai teu na a; jei u moh,” napi.

MARKA 10:51

Naibaly Isu ly pathang i ni teng y, “Nang i tlang tleaung y ati kang sa pi ai nai ngai mo,?” napi. Naibaly mei kamju ly mymy teng y, “Rabboni, niu thai ai nai kangai,” napi.

LUKA 10:41

Naibaly Areng my ly, “Martha, Martha, nang ly atiti neangneang dawn ala nai, khrukhrala na na a tu ly; na i py aly len keh nai harei awm;

JOHAN 1:38

Isu ly hi iy nini abang hawi nai niu i nini teng y, “Ati hau hawi?” napi. Naibaly nini my ly, “Rabbi (huni ly Sara nanai sai ne,) nang ly manira y awm mo?” napi.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 10:3

Katheu pa-kho typ nai keung ly ni ai paeaung pi i, beramchi ly ni i raawi thai, naibaly ni ly mymy i beramchi ai amyn palau iy angam mang y pahawi.

JOHAN 11:28

Naibaly huni leu thui nai bo y mymy ly chei praw i, ni i amnau Mari ai ly kangviu y heang i, “Areng ly tym bo, ang palau na a,” napi.

JOHAN 13:13

Nangchi ly kai ai Sara, Areng napi; nangchi i napi nai teng mang, kai ly ne khyp.

JOHAN 20:28

Thoma my ni teng y, “Kai i Areng hawi kai i Tameuh,” nanai pathang.

JOHAN 3:2

Huni khumi ly vum y Isu teng y chei i ni teng y, “Sara! Tameuh teng i nai leu patiu nai keung y nang jeu, nanai kaichi pany; ati mana nai mo pany baly Tameuh my awm hai y baly hini nang i rengrang sa naichi ka-tawm ami py so thai y,” napi.

JOHAN 5:2

Naibaly Jerusalem y ly Beram Katheu Pa-kho ahawi y ang awm: huni ly Hebrai leu y Bethesda napi; charai py pangrei awm.

JOHAN 6:25

Naibaly nichi ly ang vai y mymy ai niu baly ni teng y, “Rabbi, nang ly hi mang mana khala y tym mo?” napi.

AMTAW 10:3

Huni khumi ly choh amang neng thym khala y amang kamta chai pyn naimy Tameuh i kani pri i amtaw thau nai leaungrei mymy teng y kun i “Kornelia awi,” napi nai niu.

AMTAW 9:4

naibaly mymy ly khaileaung y atlym i mymy teng y, “Sawla, Sawla, ati mana nai nang ly kai ai ana ryry lawh?” napi nai raawi thai.

1 SAMUELA 3:10

Areng ly jeu i Samuela sahawi y angdo iy, “Samuela! Samuela!” nanai vaichi khala i kamta palau bi bo. Samuela my, “Areng thui ba, nang i miseaung tangai mang,” napi.

1 SAMUELA 3:6

Areng my Samuela ai palau bi; deaungdi ly Areng my palau nanai pany y, ati mana nai mo nabaly Areng ly ni ai tlenrei py, amteng hai vai y nai deaungkho y ne. Naibaly ni ly ang thau i, Eli teng y chei; “Nangmy palau nai deaungkho y, kai kang jeu nai he,” napi. Na i py Eli my, “Deang awi, kai kang palau y leang, i phai i pyp ba,” napi.