JOHAN 2:16 - Khumi Common Language Bible

¹⁶ Naibaly mymy ly buhu jo nai keungchi teng y, “Hi i atitichi leh hai u pawn; Ngaai i yhm ly ka-pai sa nai yhm palawn u lawh moh,” napi.

JOHAN 2:16 Iomraidhean Croise

JEREMIA 7:11

Kai i Achura yhm ai ly damrachi i aheura meingtym palawn u lawh a? Nangchi i sa nai kalopchi ai kai kaniu, napi.

MATTHAI 21:12

Naibaly Isu ly achura yhm kalen pui y kun iy, achura yhm kalen pui i atiti jo nai hawi van nai keung bawibawichi ai patheu iy, tangka katheung nai keungchi i sabawi hawi, buhu jo nai keungchi i atehrachi py nui pi pawn teang;

MATTHAI 21:13

naibaly mymy ly nichi teng y, “Kai i yhm ly chiu sa nai yhm napi ai,’ nanai tajiu nai ne: nangchi ly damrachi i tapiu palawn u lawh,” napi.

MATTHAI 22:5

Na i py nichi ly huni leu pateng y nai tako u iy, leaungrei ly mymy i hlau y chei, leaungrei ly ka-pai sa naira y chei;

MARKA 11:17

Naibaly mymy ly nichi teng y, “Kai i yhm ly cheng cheaungkhangchi i vui chiu sa nai yhm napi ai,’ nanai tajiu nai ny y a? Nangchi ly damrachi i tapiu palawn u lawh,” nanai patiu.

LUKA 2:49

Naibaly mymy ly nini teng y, “Ati mana nai y kai ai hau hawi mo? Ngaai i yhm y kaawm ai nai tla, nanai pany y a?” napi.

JOHAN 10:29

Nichi ai kai teng y au nai keung Ngaai ly bawibawichi tleaung y len keh nai ne: ami py Ngaai i kiu i nai ang lawm pi thai y leang.

JOHAN 2:15

naibaly mymy ly vuinawn angvawi hawi pakhau naira sa i, beram hawi si bawibawichi ly achura yhm kalen pui i nai patheu pi pawn; tangka katheung nai keungchi i tangka py adyh pi pawn i, nichi i sabawi py patlym pi pawn.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 5:17

Na i py Isu my nichi teng y, “Ngaai ly vai khrairei atiti sa, kai py sa,” nanai pathang.

JOHAN 8:49

Isu my, “Vawinam my kai ai nam nai ny y leang; Ngaai ai kapalo nai ne i nangchi ly kai i amyn taphra lawh ly.

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.