JOHAN 19:42 - Khumi Common Language Bible

⁴² Naibaly Judachi i Sa Rym Nai Kani ne nai deaungkho y huni angawm ly ahawi y ryp i Isu ai hu y up hawi bo.

JOHAN 19:42 Iomraidhean Croise

SAM 22:15

Kai i tao ly spryh kamta phuirawm i, kai i palai py dangkang y akau vui bo. Nang ly kai ai dei hai ai nai spryhra y khai su bo.

ISAIA 53:9

Ni ly hawi y naira sairei py sa tamang nai by y. Ka-chawi py thui vai y. Na i py ni ly achi khumichi i kamngo deaungkho y, padei nai avum iy, khumi kamngo hawi vanrei pavum nai py, khumi kanang hawi vanrei up nai py, avum nai ne.”

MATTHAI 12:40

Jona ly ngo kalen pui i kajeu theung y kani kani thomrei vum vum thomrei awm nai kamta ly, Khumi i Chapo ly khaileaung theung y kani kani thomrei vum vum thomrei awm teng ai he.

JOHAN 19:14

Huni kani ly Katlen Vui nai pawi Sa Rym Nai Kani ne: khawn biu cha neng ne bo. Naibaly ni my ly Judachi teng y, “Khen cham, nangchi i samrang ly!” napi.

JOHAN 19:20

“Nazaret Isu, Judachi i samrang,” nanai tajiu. Naibaly Isu ai kraws tleaung y tahen nai meingtym ly avang pui ahawi ne nai deaungkho y, Judachi neangneang huni cha phain u; huni ly Hebrai leu y py, Rom leu y py, Krik leu y py tajiu nai ne.

JOHAN 19:31

Hunaibaly huni ly Sa Rym Nai Kani ne nai deaungkho y, veuchi ly Anawn Kani y kraws tleaung y awm jo y ai nai (huni Anawn kani ly aly len nai kani ne) Judachi ly Pilata teng y nichi i kheu tleu hai iy veu la vui ai nai hnei u.

JOHAN 19:41

Naibaly ni ai kraws tleaung y tahen nai meingtym y akho harei awm i, akho y ly ami ai py up vai y nai angawm kangtha harei awm.

AMTAW 13:29

Naibaly nichi ly mymy i satang tajiu chum nai bawibawi ly sa angym pajau iy, dengkeaung i dengdairei la kathiu i angawm y paseaung bo.

I KORINTH 15:4

naibaly Tameuh i cha-iu leu kamta mymy ai kani thomrei kani y pathau i, Kipha teng y amteng;

KOLOSA 2:12

nangchi ly baptisma y ly mymy hawi vanrei a-up u teang nai veng bo, hunira y ly, kadeichi theung i dengdairei mymy ai pathau nai keung Tameuh i sa nai sai ym nai deaungkho y, nangchi ai mymy hawi vanrei ang pathau teang nai veng bo.