JOHAN 19:24 - Khumi Common Language Bible

²⁴ hunai deaungkho y nichi ly, “Sei y han bo, ami ngo na mo tambe va sina,” na u leungtang. (Tameuh i cha-iu leu sai, “kai i ateaung amji u iy, Kai i baichu i vui py tambe va u,” nanai tym thai ai nai,) Huni atitichi ly tavaimichi my sa khyp.

JOHAN 19:24 Iomraidhean Croise

2 ARENG KEH 15:12

Hunai deaungkho y Areng my Jehu teng y, “Kai ly nang i katu chanauchi ai deung palyh tym pa-rei,Israela pri peang hai ai,” nanai leu pei nai kamta bo.

SAM 22:18

Nichi ly kai i ateaungchi ai mychi tengtawi amji u. Kai i baichu kangjiu ai tambe va u bo.

THEU NAI 28:32

Lu apaen ai nai kho awm ai nai tla; huni kho teng aphrai y ai nai aneng takhra nai kanih ngan hawi mawm typ ai nai tla.

ISAIA 10:7

Na i py Asuria empara samrang ly khrukhra hai ai ngai nai deaungkho y, my i vui ka-dawnchi sa yb nai ne. Ni ly pri neangneangchi ai taphra ai nai leu pacheang yb bo.

MATTHAI 27:35

Naibaly nichi ly mymy ai kraws tleaung y tahen u pajau iy tambe va i, mymy i ateaungchi amji u bo.

MARKA 15:24

Naibaly nichi ly mymy ai kraws tleaung y tahen iy, mymy i ateaungchi leaung leaungrei mani mani nga ai mo, nanai pany ai nai tambe va iy, amji u bo.

LUKA 23:34

Naibaly Isu ly, “Ngaai nichi ai ly pahen ba, nichi i atiti sa nai ly pany y nai teu,” napi. Naibaly ni i ateaungchi ly amji ai nai tambe va.

JOHAN 10:35

Tameuh i leu nga naichi ai malawn py tameuhchi napi baly (naibaly Tameuh i cha-iu leu sai ai taphra thai y leang)

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

JOHAN 19:28

Hunai bo y Isu my vai ly ati cheaungkhang angym bo, nanai pany i, Tameuh i cha-iu leu sai tym thai ai nai “Kai tui ahai,” napi.

AMTAW 13:27

Jerusalem i awm naichi hawi mymychi ai kry nai keungchi py ni ai ly pany y nai hawi, amochi i leu ly Anawn kani tleirei phain reng nai py pany y nai deaungkho y mymy ai pasum iy huni leu ly sa angym bo.