JOHAN 17:6 - Khumi Common Language Bible

⁶ Nangmy khaileaung pri i nai kai ai au nai khumichi teng y nang i amyn kai pany hai bo:nichi ly nang i na a, nangmy nichi ai kai teng y au i, nichi ly nang i leu tangai bo.

JOHAN 17:6 Iomraidhean Croise

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 22:22

Nang i sa nai leaungsaichi ai, kai i amjo amnauchi teng y amti pi ai. Nichi i achu naira y kai ly nang ai palo ai.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

LEU KACHENG 2:10

Nang ly khumi kacheng lawm ai i, nangmy i pany nai molam y, paleung amo theu naira nga ai.

LEU KACHENG 23:23

Ka-ym leu, cheng naira, thui parip nai leu, tau cheng naichi ai ly tangka hawi van iy amtiu ba. Hunichi ly vang teng parai nai ne i, paisa tangka hawi angtheung pajau y.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

JOHAN 12:28

Ngaai, nangmy i amyn palo ba,” napi. Hunaibaly kani mang i dengdairei raawi theu i, “Kapalo bo, kapalo bi ai,” napi.

JOHAN 15:19

Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.

JOHAN 15:3

Kai i nangchi teng y leu thui nai deaungkho y nangchi chai ryp bo.

JOHAN 15:7

Ngngchi ly kaimy teng y awm jo iy kai i leu nangchi teng y awm jo teang baly, nangchi i ngai nai ngierei ly hnei u, nangchi i vui ang sa pi ai.

JOHAN 17:12

Kai ly nichi teng y awm nai sala ryrei ly nangmy kai teng y au naichi ai ly nangmy i amyn y kaimy kry bo: nichi ai kaimy typ i, tama nai chapo ny y baly nichi theung y leaungrei py tamo y; huni py Tameuh i cha-iu leu sai tym thai ai nai ne.

JOHAN 17:14

“Nang i leu ly kaimy nichi teng y pei bo, naibaly kai ly khaileaung pri i ny y nai kamta nichi py khaileaung pri i ny y nai deaungkho y khaileaung prichi my nichi ai niu ngai y bo.

JOHAN 17:16

Kai ly khaileaung pri i khumi ny y nai kamta, nichi py khaileaung pri i khumi ny y.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

JOHAN 17:26

naibaly nang i kai ai tamen nai ly mychi teng y awm i, kai py mychi teng y awm thai ai nai, kaimy nichi teng y nangmy i amyn pany hai bo, kapany hai bi ai,” napi.

JOHAN 17:7

Nangmy kai ai atiti au nai ngierei ly nang teng i theu nai ne, nanai vai ly nichi pany bo;

JOHAN 18:9

Ni i leu ly, “Nangmy kai teng y au naichi theung y leaungrei ai py katamo y leang,” nanai tym ai nai thui nai ne.

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 6:39

Hini ly kai ai pato nai keung i kangai ne:ni i ang pei nai bawibawi theung i nai ati sai py tamo y ai i, kani kangkhym y ly kaimy pathau lawh ai.

JOHAN 8:51

Meitang khypkhyp kang thui pi, ami py kai i leu tangai baly deungtasa khrairei deira niu ai ny y,” napi.

JOHAN 8:52

Naibaly Judachi my ni teng y, “Nang ai vawinam my nam bo, nanai vai ly kaichi pany bo. Abraham hawi amochi py dei veng bo. Nang ly, ‘Ami py kai i leu tangai baly deungtasa khairei deira pany ai ny y,’ na lawh ly.

AMTAW 13:48

Naibaly Cheng Takhrachi ly huna nai thai iy kawn i Tameuh i leu ai palo, naibaly deungtasarei hengra nga ai nai khai takhra nai ngiereichi my ly ym bo.

ROM AVANGCHI TENG Y PAWLA I CHA PA NAI 11:2

Tameuh ly mymy i pany yb nai khumichi ai ly aphi y leang. Nangchi ly Tameuh i cha-iu y Elija i molam thui nai ly pany u y nai sai a?

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

II TIMOTHEI 1:13

Krista Isu y awm nai ym naira y hawi, tamen naira y ly, kai i labeaung i nai leu kateng nang thai nai kamta ly hawihai patawm.

HEBRAI 2:12

“Kai i amjo amnauchi teng y nang i amyn kathui pi ai i, Awm achu naichi theung y ly khulym kathui iy kang palo ai,” napi. Naibaly “Mymy ai kaym cheng ai,” napi bi.

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

I PETERA 1:1

Petera, Isu Krista i amtaw thau nai my ly, Ponto pri y hawi, Kalatia pri y hawi, kapadokia pri y hawi, Asia pri y hawi,

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

AMTENG HAI NAI 2:13

Nang i awm naira kapany: Setan i areng atehra ly huni meingtym y awm: naibaly nang ly kai i amyn patawn cheng i, Setan i awm naira y kai i leu pany hai nai keung ka-ym Antipa ai ang padei nai thym khala y py nang ly kai ai ym naira ly apha y leang bo.

AMTENG HAI NAI 3:10

Nang ly kai i kham tanga nai leu patawm nai deaungkho y, khaileaung pri y awm naichi ai cham ai nai, khaileaung pri verei y tym ai cham nai neng y ly kapalawi ai.

AMTENG HAI NAI 3:8

Nang i atiti sa naichi ly kapany ; khen cham, ami py kho pajau y nai katheu am-eaung angchi nai ly nang i mo y kakhai pi bo; nang ly sa thai naira neangneang by y i py, kai i leu patawm iy kai i amyn apha y, nanai kapany.