JOHAN 17:24 - Khumi Common Language Bible

²⁴ Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

JOHAN 17:24 Iomraidhean Croise

ATITI AWM ANGCHEI NAI 45:13

Kai ly Aikupta pri y mana tanrei sa thai naira awm mo, nanai hawi nangchi i niu nai ngiereichi py ngaai teng y amti pi u. Ngaai ai py hi y jeu hai u kaliki,” napi.

MATTHAI 25:21

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; nang ly maiden chy naira y ka-ym awm i, nawi parai naira tleaung y kang khai ai mang; nang i yhmkeung i kawn naira y kawn teang,’ napi.

MATTHAI 25:23

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; maiden chy naira y ka-ym awm i, nawi parai naira tleaung y kang khai ai mang: nang i yhmkeung i kawn naira y kawn teang,’ napi.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 26:29

Na i py kang thui pi, Ngaai i peang naira y nangmychi hawi kangtha kanei ai nai kani tym y ryrei ly, vai i dengdairei kreip angjyn athai hang ly kanei ali y leang bo,” napi.

LUKA 12:37

Yhmkeung jeu nai neng khala y miseaung ajeng rym naimy niu nai miseaungchi ai ly taham hawi ai; meitang khyp kang thui pi, ni my ly neina akyn ai i, mymychi ai biu o hai iy nichi ai kry ai.

LUKA 23:43

Naibaly ni my ly mymy teng y “Meitang khyp kang thui pi, vaini ly nang py kai teng y Paradais y awm teang ai mang,” napi.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

JOHAN 14:3

Naibaly kai chei iy nangchi i vui meingtym sa rym baly, nangchi py kai i awmra y awm thai ai nai, kai kang jeu bi ai i nangchi ai py kai teng y kang la ai.

JOHAN 15:9

Ampo my kai ai tamen nai kamta kai py nangchi ai tamen teang; kai i tamen naira y awm u jo.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

JOHAN 17:22

Naibaly ani ly bomrei awm nai kamta nichi py bomrei awm thai ai nai, nang ly kai ai nang parai naira pei nai ly nichi teng y kapei bo;

JOHAN 17:5

Aw Ngaai, khaileaung pri by y rai khala y kai ly nang khi y nang parai naira kanga nai hawi ly vai ly kai ai palo.

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 6:39

Hini ly kai ai pato nai keung i kangai ne:ni i ang pei nai bawibawi theung i nai ati sai py tamo y ai i, kani kangkhym y ly kaimy pathau lawh ai.

JOHAN 8:58

Isu my nichi teng y, “Meitang khypkhyp kang thui pi, Abraham by y rai khala y py kai ly awm nai bo,” napi.

I KORINTH 13:12

Vai ly achi ly dengkhang apui y niu vuivai nai ne, na i py hunai khala y ly moatha ai; vai ly angym y nai kapany, na i py hunai khala y ly kai ai ang pany angym nai kamta kai py kapany angym ai.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 5:8

kaichi ly paleung sorai nai awm kana nai ne:kaichi ly tlang y awm y nai, Areng teng y awm ai nai ngai keh.

PHILIPI 1:23

Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iy Krista teng y awm ai nai kangai parai naira awm nai deaungkho y; huni ly khi pa-rei hawi keh veng.

I THESALONIKA 4:17

huni bo y ly achi vai heng naichi ly Areng ai lamchung ai nai kani laileaung y mymychi hawi vanrei khupanym theung y achi ai ang la kalau ai; hunaibaly achi ly Areng teng y deungtasarei awm jojo ai.

I PETERA 1:21

mymy deaungkho y ni ai kadeichi theung i dengdairei pathau nai hawi, nang parai naira pei nai keung Tameuh ai nangchi ly ym nai ne; hunaibaly nangchi i ym naira hawi athang khai naira ly Tameuh mang y awm bo.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

AMTENG HAI NAI 21:22

Naibaly theung mang y ly achura yhm kalen pui kaniu y leang. Atiti py Sa Thai Nai Areng Tameuh hawi Beram Cho ly huni i achura yhm kalen pui ne.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.