JOHAN 17:21 - Khumi Common Language Bible

²¹ nichi bawibawi bomrei awm thai ai nai hunichi i vui ly chiu kasa pi nai khyh ny y leang; nichi i leu deaungkho y kai ai ym ai naichi i vui py chiu kasa pi nai ne.

JOHAN 17:21 Iomraidhean Croise

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

ZEPHANIAH 3:9

Naibaly kai ly khumi cheng bawibawichi ai palum pachai teang iy, nichi ly tameuh takhrachi ai chiu y naimy, kai ai naini chiu u ai. Nichi bawibawi py kai i leu tangai u ai.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

MARKA 3:24

Pri py amy tengtawi atiu ryp baly, huni pri ly awm thai y leang.

JOHAN 10:16

Naibaly hini hai theung i ny y naimy, kai i beram takhrachi py awm rai; nichi ai py kaimy pahawi ai nai tla, kai i raawi py nichi thai u ai; hunaibaly kamkawm harei hawi typ nai keung leaungrei py awm ai.

JOHAN 10:30

Kai hawi Ngaai hawi ly bomrei ne,” nanai pathang.

JOHAN 10:38

Na i py kai ly sa nai ne baly, Ngaai ly kai teng y awm nanai hawi, kai ly Ngaai teng y awm, nanai py nangchi tangai iy pany thai ai nai, kai ai ym u y i py kai i atiti sa nai ly ym u,” nanai pathang.

JOHAN 11:42

Kai i leu nang tangai pi jojo, nanai kai pany; na i py nang my kai ai pato, nanai nichi pany thai ai nai ahawi y angdo nai khumi mipuichi deeaungkho y kathui nai teu,” napi.

JOHAN 13:32

Tameuh my mymy y ly ni ai palo ai, palo py palo praw ai.

JOHAN 13:35

Nangchi atamen u leungtang baly khumi bawibawi ly nangchi kai teng y abang nai khumichi ne, nanai hunira y pany ai,” napi.

JOHAN 17:11

Naibaly kai ly khaileaung pri y awm y leang bo, hinichi ly khaileaung pri y awm ai, kai naini nang teng y kang vawi ai bo. Aw Ngaai Kachai, nichi ly ani kamta bomrei awm thai ai nai, nangmy kai teng y au naichi ai ly nangmy i amyn y kry ba.

JOHAN 17:18

Nangmy kai ai khaileaung pri y pato nai kamta ly kai py nichi ai khaileaung pri y pato teang bo.

JOHAN 17:20

“Ngaai, nang ly kai teng y awm iy, kai ly nang teng y awm nai kamta ly, nichi py ani teng y awm teang iy, nangmy kai ai pato nanai khaileaung prichi my ym thai ai nai,

JOHAN 17:25

Aw Ngaai Kahawi, khaileaung prichi ly nang ai pany y bo, kai naini pany; naibaly nangmy kai ai pato, nanai py hinichi ly pany;

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 17:8

nangmy kai ai leu pei naichi ly kaimy nichi teng y thui pi bo; hunichi ly nichi tangai iy, kai ly nang teng i theu, nanai pany tatang bo, nangmy kai ai pato, nanai py ym u bo.

JOHAN 3:17

Tameuh my khaileaung pri ai pasum ai nai Chapo ai pato nai ny y, khaileaung pri ly mymy deaungkho y heng thai ai nai pato nai teu.

JOHAN 5:23

Ami py chapo ai tahm khai y nai ngierei ly Ampo, ni ai pato nai keung ai py tahm khai y nai bo.

AMTAW 2:46

Naibaly kani tleirei paleung vanrei my achura yhm kalen pui y hawihai palai awm u i, nichi i yhm y py tako theng bawi iy, amo theu parai naimy paleung tinem iy biu cha nai, Tameuh ai palo.

AMTAW 4:32

Naibaly ym nai khumi mipuichi ly paleung py dawn nai py vanrei awm, mymychi theung y leaungrei py yhmtheaung awm nai ly, Kai i teu, nanai angam y; nichi ly atiti bawibawi vanrei ahum bo.

ROM AVANGCHI TENG Y PAWLA I CHA PA NAI 12:5

hunai kamta teang achi ly nawi parai iy py Krista y ly tlang bomrei awm khyh; achi leaung leaungrei ly vanrei angprei ahawi nai ne.

I KORINTH 1:10

Naibaly amjo amnauchi awi, nangchi bawibawi ly leu vanrei thui u i, nangchi theung y akhawi takhra naira den py awm y ai nai, paleung vanrei hawi dawn nai vanrei py amtawm u cheng ai nai, achi i Areng Isu Krista i amyn y kang takeng.

I KORINTH 12:12

Tlang ly bomrei khyh, naibaly kangprei neangneang awm; naibaly tlang i kangpreichi bawibawi ly nawi iy py tlang ly bomrei khyh; Krista py hunai kamta ne teang.

I KORINTH 6:17

Na i py Areng hawi amtawm nai ly mymy hawi phailo bomrei ne.

KALATIA 3:28

Hunai ra y ly Juda khumi py Krik khumi py awm thai y leang, hunaira y ly miseaung py miseaung ny y nai py awm thai y leang, hunaira y ly neampachy py neampacho py awm thai y leang;

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

I JOHAN 1:3

nangchi py kaichi hawi amkawm teang thai ai nai, huni kaichi i nui nai hawi thai nai ly nangchi teng y kang thui pi nai he; ne, naibaly kaichi hawi amkawm nai ly Ampo hawi, mymy i Chapo Isu Krista hawi amkawm nai ne:

I JOHAN 5:7

Phailo ly leu meitang ne nai deaungkho y pany hai nai keung ly Phailo ne.