JOHAN 17:19 - Khumi Common Language Bible

¹⁹ Nichi ly leu meitang y khai takhra nai awm thai ai nai, kai ly mymychi deaungkho y kaimy ai akhai takhra bo.

JOHAN 17:19 Iomraidhean Croise

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

JEREMIA 1:5

“Kai ly nang ai hengra kang pei y rai khala my vawi takhra veng bo. Nang ai tapen y rai khala my khai takhra iy khumi cheng cheaungkhangchi i amo lawm ai nai kang khai bo,” nanai kai teng y leu pei.

JOHAN 10:36

‘Kai ly Tameuh i Chapo ne,’ kang napi nai deaungkho y, Ampo i khaileaung pri y pato nai hawi khai takhra nai keung teng y, ‘Nang ly Tameuh ai thui tamawn,’ na u lawh a?

JOHAN 15:13

Khumi ly ahawichi i vui y amy i hengra pei nai bo y tamen naira len keh nai ly ami py by y leang.

JOHAN 15:3

Kai i nangchi teng y leu thui nai deaungkho y nangchi chai ryp bo.

JOHAN 17:17

Nichi ai leu meitang y khai takhra ba, nang i leu ly leu meitang ne.

JOHAN 17:20

“Ngaai, nang ly kai teng y awm iy, kai ly nang teng y awm nai kamta ly, nichi py ani teng y awm teang iy, nangmy kai ai pato nanai khaileaung prichi my ym thai ai nai,

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

II KORINTH 4:15

Naibaly pahenra ai ly khumi nawi keh naichi i saho y peung hai nai awm iy, huni my ly Tameuh ai palo ai nai khri pa-rei kawn nai leu ang theu hai thai ai nai, ati cheaungkhang ly nangchi i vui hawi ai naira ne.

II KORINTH 7:14

Kai ly ni teng y ati mo ra y py nangchi ai amlyh hai iy py, kai ai ly amthang hai leaung y leang; huna ai nai kaichi ly nangchi teng y ati cheaungkhan ra y leu meitang thui lawh nai kamta ly, kaichi ly Tita i mo y amlyh nai ly leu meitang ne khypkhyp bo.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

KOLOSA 1:6

nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

I THESALONIKA 4:7

Tameuh my ly chai y naira y awm ai nai achi ai ang palau y leang, chai naira y awm ai nai ang palau nai teu.

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

HEBRAI 2:11

Pachai nai keung hawi mymy i pachai naichi py sangum vanrei ne; hunai deaungkho y mymy ly nichi ai amjo amnau, nanai amyn pathi ai nai kaji hai y i,

HEBRAI 9:13

Mi-i hawi si kataichi i thi hawi, si beaungjeaung dym y malawn py khumi chai y naichi i tlang tleaung y katheng iy tlang chai pa-rei pachai pajau makho baly,

HEBRAI 9:18

Hunai deaungkho y leu maikawm kangman i nai py thi ny y nai my ly khaw hai y leang.

HEBRAI 9:26

hunai ne mo khyly mymy ly khaileaung palum angchei kha i ka-so tlen majirei mo patang ai nai tla lawh veng; na i py vai dymkhawn i neng tem naira y ly amymy ai apathyp nai deaungkho y kamngo tama hai vui ai nai tlenrei my ni ai amteng hai bo.

I JOHAN 3:18

Bechi awi, labeaung palai y khyh ny y naimy, atiti sa naira y hawi meitang khyp naira y py tamen u sina.

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.