JOHAN 17:15 - Khumi Common Language Bible

¹⁵ Nangmy nichi ai khaileaung pri i nai la vui ai nai chiu sa pi nai ny y leang, kamngo teng i nai nichi ai lawi hai ai nai chiu sa pi nai teu.

JOHAN 17:15 Iomraidhean Croise

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

1 NENG SATANG 4:10

Na i py Jabe ly Israela chengchi i Tameuh teng y, “Aw Tameuh, kai ai amtheaung hai iy khaileaung neangneang pei ba. Kai hawi vanrei awm hai ba. Kai i tlang tleaung y patang naira tym hai ai nai, hawi y naira cheaungkhang ra i nai lawi hai kyh ba,” nanai chiu sa nai deaungkho y, Tameuh ly Jabe i hnei takeng naichi pei pi nai ne.

SAM 121:7

Areng ly ka-jeira bawibawichira i nai nang ai ama hai ai; nang ai chymme naimy ang khai ai.

SAM 30:9

“Kai dei baly ati amran ai mo? Tapreaung angawm y tym nai molam y ati kahawi theu ai mo? Khumi kadeichi ly nang ai palo pajau na a? Nichi ly nang i ka-ym awm nai amthang hai pajau na a?

Parip nai leu 9:10

Nang i sa ai nai kalopchi bawibawira y atho angai naimy so; ati mana nai mo nabaly nang i chei ai nai tavau pri y ly kalop sa nai by y, adawn pasym nai by y, cheng naira by y, pany thai naira py by y nai deaungkho y ne.

ISAIA 57:1

Khumi kahawichi ly dei u nai ne. Huni khumichi hunai kamta dei nai ly ami py pany u thai y. Ati sai py dawndan u y. Na i py nichi ly dei nai khala y, patang naira by y nai meingtym y tym u nai ne.

MATTHAI 5:37

Na i py nangchi i thui nai ly ‘Ne,’ nanai ly ‘Ne nai’ ne sy, ‘Ny y,’ nanai ly ‘Ny y nai,’ ne sy; huni tleaung y apo thui nai ly kamngo dengdairei theu nai teu.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

LUKA 11:4

Kaichi i kamngo pahen kyh ba, ati mana nai mo nabaly kaichi py kaichi i atiti kalai bawibawi pahen nai ne. Parawi naira y pahawi moh ba,” napi.

LUKA 22:32

na i py nang i ym naira phra y ai nai chiu kang sa pi bo; nang ly hi ali teang nai khala y ly nangmy i amjo amnauchi ai khaw hai ba,” napi.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

II THESALONIKA 3:3

Na i py Areng ly ka-ym awm mang, mymy ly nangchi ai ang khaw hai iy, kamngo sa reng nai keung khi i nai ang lawi hai ai mang.

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

I JOHAN 5:18

Ami py Tameuh i tapen nai ly kamngo sa nai ny y leang, nanai achi pany; Tameuh teng i awm nai my lyni ai kry jojo i, kamngo sa reng nai keung my ly ni ai nam py nam pajau y leang.

I JOHAN 5:19

Naibaly achi ly Tameuh i ne, nanai hawi khaileaung pri bomrei ly kamngo sa reng nai keung i ngaingai awm, nanai py achi pany.