JOHAN 17:13 - Khumi Common Language Bible

¹³ Na i py vai ly nang teng y kang vawi ai bo; mymychi y ly kai i kawn naira nga u angym thai ai nai kaimy khaileaung pri y hini leu thui pi bo.

JOHAN 17:13 Iomraidhean Croise

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

SAM 126:5

Mei katui tla naimy amti amjang pati nai khumichi ai ly amo theu parai naimy amti amjang pakym achu ai nai pei pi kyh ba!

SAM 43:4

Huna nai khala y aw Tameuh, kai ly nang i maicham mang y ahihawi ai. Kai ly nang teng i amo theu naira kanga nai ne. Aw Tameuh, kai i Tameuh, nang ai taro beu naimy kang palo ai.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 15:11

Kai i kawn naira nangchi teng y awm jo ai nai hawi, nangchi kawn angym ai nai py hini leu kang thui pi bo.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 17:11

Naibaly kai ly khaileaung pri y awm y leang bo, hinichi ly khaileaung pri y awm ai, kai naini nang teng y kang vawi ai bo. Aw Ngaai Kachai, nichi ly ani kamta bomrei awm thai ai nai, nangmy kai teng y au naichi ai ly nangmy i amyn y kry ba.

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

JOHAN 7:33

Naibaly Isu my, “Tanarei chy sala y nangchi teng y kang awm ai i, kai ai pato nai keung teng y kachei vui ai.

AMTAW 13:52

Naibaly abangnaichi ly kawn nai hawi Phailo Kachai my kawi bo.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

I JOHAN 1:4

hunaibaly kaichi ly kawn angym thai ai nai hini satang takhra takhra tajiu nai ne.

II JOHAN 1:12

Kai ly nangchi teng y leu neangneang thui ai nai awm nai deaungkho y cha-ku y hawi cha tui y tajiu ai nai ngai y leang; na i py nangchi ly kawn angym u thai ai nai kai ly nangchi teng y kang jeu iy, mo atha naimy arum ai nai athang kakhai nai ne.