JOHAN 16:33 - Khumi Common Language Bible

³³ Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 16:33 Iomraidhean Croise

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

MIKHA 5:5

Naibaly pri py tlamsa ai. Asuria chengchi ly kaichi i pri y tiu nai, kaichi i amtangrachi taphra iy kun u nai khala y, kaichi theung y atho awm nai luchi ai pato ai i, paleung ka-echi ai tiu ai.

MATTHAI 9:2

Naibaly khen cham, kamkhyn no nai khumi leaungrei ai ira tleaung y aseaung naimy mymy teng y angjeaung u bo: naibaly Isu ly mymychi i ym nai sai niu i, kamkhyn no nai khumi teng y, “Deang awi! Paleung awmnem naimy awm ba: nang i kamngochi ly pahen bo mang,” napi.

LUKA 19:38

“Areng i amyn y jeu nai Samrang ly taham hawi; kani pri mang y aly nai leu tym sy, salo kangteng y ly nang parai nai awm sy,” nanai Tameuh ai palo bo.

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

JOHAN 12:31

Vai hini khaileaung pri ai chih thym rai; vai hini khaileaung pri i areng ai ly patheu vui ai.

JOHAN 14:1

“Nangchi i paleungbi u moh. Tameuh ai ym i kai ai py ym.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 16:11

khaileaung pri i areng ai ly pasum veng nai deaungkho y tara chih naira y pasum ai.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 23:11

Naibaly huni vum y Areng ly Pawla i ahawi y angdo iy, “Ham parai naimy awm ly, Jerusalem y nang ly kai i leu pany hai nai kamta ly, Rom avang y py nang pany hai ai nai tla,” napi.

AMTAW 27:22

Na i py vai ly awmnem ai nai kang pachei; nangchi theung y ami py hengra tamo y leang mang, paleaung naini tama ai.

AMTAW 27:25

Hunai deaungkho y arengchi awi, awmnem naimy awm u; kai ai ang thui pi nai kamta awm thlethle ai, nanai kai ly Tameuh ai kaym.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

II KORINTH 1:3

Achi i Areng Isu Krista i Tameuh hawi Ampo, pahen nai Ampo hawi awm hai nem nai Tameuh ai ly palo nai awm sy.

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 4:7

Na i py khri pa-rei atiti sa thai naira ly kaimychi teng i ny y naimy, Tameuh teng i ne lawh thai ai nai, kaichi ly hini yhmtheaung katui ly alai laawm y awm nai ne.

II KORINTH 6:4

na i py Tameuh i krykeungchi kamta ati cheaungkhangra y py khumi i mei kangai awm, khri pa-rei kham pajau naira y py, patang naira y py,

II KORINTH 7:4

Nangchi teng y kai i leu thui vam nai sai ly khri pa-rei ty na i, kai i nangchi ai amlyh nai sai py khri pa-rei ty nanai ne; kai ly awmnem naira my kakawi, kaichi i patang naira bawibawi y kai ly amo theu naira my kawi nai lem na.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

KALATIA 6:14

Na i py kai naini achi i Areng Isu Krista i kraws ai ny y baly kai i amlyh ai naira awm moh sy, huni i saho y ly khaileaung pri ly kai i vui tahen nai awm bo, kai py khaileaung pri i vui y tahen nai kaawm teang nai ne.

PHILIPI 4:7

Hunaibaly Tameuh teng i awmnem naira, den py pany bawi pajau y nai my ly, nangchi i paleung hawi dawn nairachi py Isu Krista y ang typ pi ai mang.

KOLOSA 1:20

mymy y ly ati cheaungkhang amy hawi aly hai nai ly Ampo i paleung ngai nai tatang ne; mymy kypkyp y ly khaileaung pri y atiti awm naichi ai hawi, kani mang y atiti awm naichi ai py aly hai nai ly.

I THESALONIKA 3:4

Kaichi ly nangchi teng y awm nai thym khala y py achi ly ngari patang nai ly avum ai nai tla, nanai kang thui pi rym khypkhyp chy bo; hunai kamta khypkhyp ly tym bo, nanai nangchi ly pany u bo.

I THESALONIKA 3:7

huni deaungkho y amjo amnauchi awi, kaichi i kamtang hawi kamnga awm nai bawibawira y ly nangchi i tlang tleaung y khri pa-rei awmnem naira nga bo.

II THESALONIKA 3:16

Naibaly aly nai Areng kypkyp my ly cheaungkhangra y nangchi ai aly naira mana khala y py pei sy. Areng ly nangchi bawibawi teng y awm sy.

II TIMOTHEI 3:12

Ne, ami py Krista Isu y Tameuh ai dawn ryhryh ai tau nai ngiereichi ly ana naira patang teang ai.

HEBRAI 11:25

mymy ly kamngo i kra y nai sala chy i vui awm nai amo theu naira ai kawn nai tleaung y ly Tameuh i khumichi hawi ana hai nai patang naira y kham tanga ai nai vawi lawh veng;

HEBRAI 7:2

Naibaly Abraham ly mymy teng y cheaungkhangra y horei y harei pei. Ni i amyn angchei i awm nai sai ly Hawi naira Samrang ne, huni i ka-tla ly Salem i Samrang ne teang: huni ly Aly nai Areng, nanai sai ne;

I PETERA 5:9

khaileaung pri y awm nai ngamjo ngamnauchi i tlang tleaung y hunai kamta patang naira ly tym reng nai ne, nanai pany u iy, khaw parai pa-rei ym iy ni ai tiu u.

I JOHAN 2:13

Ngaaichi awi, nangchi ly angchei kha i dengdairei awm nai ai pany nai deaungkho y nangchi teng y katajiu nai he. Thawndeangchi awi, nangchi ly kamngo sa reng nai keung ai pajau nai deaungkho y nangchi teng y katajiu nai he. Bechi awi, nangchi ly Ampo ai pany nai deaungkho y nangchi teng y katajiu nai chy bo.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

I JOHAN 5:4

Tameuh i tapen nai ly khaileaung pri ai pajau jojo veng; khaileaung pri ai pajau iy eaung naira ly achi i ym naira ne.

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.

TARA CHIH NAI KEUNGCHI 3:2

Mymy huna nai kamta sa nai ly Israela cheng kangthau tleireichi ai tavai leaungsai amtiu ai nai dawn hai nai ne. Vaichi khala tavai keung y abawi vai y nai khumichi ai patiu pi ai nai dawn hai patyp bo.