JOHAN 16:28 - Khumi Common Language Bible

²⁸ Kai ly Ampo teng i nai theu iy khaileaung pri y kang satla bo; kai ly khaileaung pri i nai theu vui iy Ampo teng y kavawi teang ai,” napi.

JOHAN 16:28 Iomraidhean Croise

LUKA 24:51

Naibaly hina nai ne, amtheaung hai nai thym khala y nichi hawi amprei i, ni ai ly kani pri mangy pahawi kalau veng bo.

LUKA 9:51

Naibaly hina nai awm, mymy ai pahawi kalau ai nai neng tym kasa iy, mymy ly Jerusalem y chei ai nai tau tanga i, mo mang y khumichi ai pato;

JOHAN 13:1

Naibaly Isu ly Katlen Vui nai pawi ny y rai kha y hini khaileaung pri i nai theu vui iy, Ampo teng y chei ai nai neng bo, nanai pany i, mymy i khaileaung pri y awm nai khumichi ai ang tamen iy tem khala kharirei ang tamen jo.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 14:28

‘Kai ly tako veng ai i, nangchi teng y kang jeu teang ai,’ kang napi nai ly nangchi pany bo. Nangchi ly kai ai tamen baly, kai ly Ampo teng y kachei ai nai deaungkho y nangchi kawn ai bo; ati mana nai mo nabaly Ampo ly kai tleaung y len keh nai ne.

JOHAN 16:10

kai ly Ampo teng y chei ai i, nangchi ly kai ai niu ali bi y ai nai deaungkho y hawi sa nai y pasum ai;

JOHAN 16:16

“Kra y nai sala y nangchi ly kai ai niu ai ny y; kra y nai sala y nangchi ly kai ai niu teang ai,” napi.

JOHAN 16:30

Nangmy ati cheaungkhang pany, ami mi py nang teng y atiti deng ai nai aly by y, nanai vai ly kaichi pany bo; hunai deaungkho y nang ly Tameuh teng i nai theu nai ne, nanai kaichi ym mang,” napi.

JOHAN 16:5

Vai ly ang pato nai keung teng y kai chei ai bo; naibaly nangchi ly kai ai, ‘Nang ly ma mang y chei ai mo?’ nanai ami py deng y.

JOHAN 17:11

Naibaly kai ly khaileaung pri y awm y leang bo, hinichi ly khaileaung pri y awm ai, kai naini nang teng y kang vawi ai bo. Aw Ngaai Kachai, nichi ly ani kamta bomrei awm thai ai nai, nangmy kai teng y au naichi ai ly nangmy i amyn y kry ba.

JOHAN 17:13

Na i py vai ly nang teng y kang vawi ai bo; mymychi y ly kai i kawn naira nga u angym thai ai nai kaimy khaileaung pri y hini leu thui pi bo.

JOHAN 17:5

Aw Ngaai, khaileaung pri by y rai khala y kai ly nang khi y nang parai naira kanga nai hawi ly vai ly kai ai palo.

JOHAN 8:14

Isu my nichi teng y, “Amy i satang apany hai nai ne i py, kai i pany hai nai leu ly teng; kai ly kaimy i theu naira hawi chei ai naira py kapany; nangchi ly kai i theu naira hawi chei ai naira py pany y.

JOHAN 8:42

Isu my nichi teng y, “Tameuh ly nangchi i Ampo ne i khyly nangchi ly kai ai tamen ai bo: kai ly Tameuh teng i theu nai hawi, ni teng i dengdairei kang jeu nai ne:kaimy ngaingai kang jeu nai ny y leang, ni my ang pato nai teu.