JOHAN 16:22 - Khumi Common Language Bible

²² Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang.

JOHAN 16:22 Iomraidhean Croise

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

SAM 146:2

Kai ly heng nai ryrei mymy ai palo ai; kaimy deungrei ly kai i Tameuh ai palo nai khulym thui ai.

SAM 33:21

Achi ly mymy deaungkho y amo theu u nai ne. Achi ly mymy i amyn kachai ai ym u bo.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

MATTHAI 28:8

Naibaly nini ly jei nai hawi khri pa-rei kawn nai tarawi y angawm i dengdairei tako hawi kaliki iy, abangnaichi ai thui pi ai nai angpreng hawi bo.

LUKA 10:42

Mari i kahawi vawi nai ly la pi ai nai tlo y leang,” nanai pathang.

LUKA 16:25

Na i py Abraham my, ‘Deang awi, nang ly tlang heng khala y ly atiti kahawi nga chy bo; hunai kamta Lazara i atiti hawi y nga nai ly dawn bei; na i py ni ly vai ly hi y paleung awmnem nai awm bo, na i py nang ly no na a tu ly.

LUKA 19:26

‘Kang thui pi, awm nai khumi ngierei teng y ly pei panawi ai i, by y nai khumi teng y ly mymy i awm angchi nai py la pi ai.

LUKA 24:41

Naibaly nichi kawn ala nai ym y asai rai, rengrang tlai napi nai thym khala y mymy ly nichi teng y, “Hi y atiti cha ai nai awm a?” napi.

JOHAN 14:1

“Nangchi i paleungbi u moh. Tameuh ai ym i kai ai py ym.

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 16:16

“Kra y nai sala y nangchi ly kai ai niu ai ny y; kra y nai sala y nangchi ly kai ai niu teang ai,” napi.

JOHAN 16:20

Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai.

JOHAN 16:6

Na i py hini leu kang thui pi nai deaungkho y nangchi i paleung mawn nai ly kawi lawh bo.

JOHAN 21:7

Hunaibaly abangnai leaungrei Isu my tamen nai my ly Petera teng y, “Areng na a ho ly,” napi. Hunaibaly Areng ne, nanai Simon Petera pany baly, tlang ka-keu awm nai y baichu apam i ang y tlenrei kyh my satla.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

AMTAW 13:52

Naibaly abangnaichi ly kawn nai hawi Phailo Kachai my kawi bo.

AMTAW 16:25

Na i py aneng hyh khala y Pawla nini Sila ly Tameuh teng y chiu py chiu sa, khulym py thui i, theaung tla naichi ly tangai u bo;

AMTAW 2:46

Naibaly kani tleirei paleung vanrei my achura yhm kalen pui y hawihai palai awm u i, nichi i yhm y py tako theng bawi iy, amo theu parai naimy paleung tinem iy biu cha nai, Tameuh ai palo.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;