JOHAN 16:20 - Khumi Common Language Bible

²⁰ Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai.

JOHAN 16:20 Iomraidhean Croise

JOBA 20:5

khumi hawi y nai ngiereichi ly neng kasau amo theu naimy, awm ai nai nga, nanai by awm y nai ly nang pany.

SAM 30:11

Nang ly kai ai paleung mawn naira i nai amo theu naimy lam hai bo. Kai i paleung si nai ka-ma-ra paisiu aleng iy, amo theu nai ka-ma-ra ateaung amthyp ai nai pei bo.

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

JEREMIA 31:25

Kai ly paha nai khumichi ai khesere pa-rei atho awm hai iy, kajeu alam nai deaungkho y atho bai nai khumichi ai bym pa-rei pacho ai.

MATTHAI 21:38

Na i py akho kry nai keungchi ly mymy i chapo ai niu bo nabaly, ‘Hini ly yhmtheaung kamtym ne; choh, padei u sina, mymy i yhmtheaung amtym ai nai ly lo pi sina,’ nanai mymychi tengtawi arum u bo.

MATTHAI 5:4

“Paleung mawn naichi ly taham hawi: nichi ai ang awm hai nem ai.

MARKA 14:72

Naibaly a kheaung pa-nyh kheaung praw ryp. Hunaibaly Petera ly Isu my ni teng y, “A tlen nyhrei kheaung y rai kha y nang ly kai ai tlen thomrei apha ai,” napi nai leu ly adawn vau bi. Naibaly ni ly huni satang dawn baly vo ryry.

MARKA 16:10

Naibaly Isu ai awm hai reng naichi ly kadei paleung si nai vo hai nai thym khala y ly ni ly mymychi teng y chei i thui pi.

LUKA 22:45

Naibaly mymy ly chiu sa pajau iy angthau i abangnaichi teng y chei: nichi ly paleung mawn nai deaungkho y i ngym nai niu i mymychi teng y,

LUKA 22:62

Naibaly ni ly theu iy vo ryry.

LUKA 23:27

Naibaly khumi mipui ka-teng ny y nai hawi, neampachychi paleung y atum iy vo ryry naichi hawi ni teng y abang.

LUKA 24:17

Naibaly mymy ly nini teng y, “Nangni tako nai tarawi y arum hawi nai ly ati leu mo?” napi. Naibaly nini ly meimai takhui sui naimy angdo hawi bo.

LUKA 24:21

Na i py ni ly Israelachi ai lawi hai ai nai keung ne ai nai kaichi ly athang khai parai na iy. Ne, huni khyh ny y i, huni atiti tym nai ly vaini kani pa-thom awm bo.

LUKA 6:21

“Vai kajeu alam naichi awi, nangchi ly taham hawi; nangchi ly bym pa-rei nga ai. “Vai vo naichi awi, nangchi ly taham hawi; nangchi ly panui ai.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 16:6

Na i py hini leu kang thui pi nai deaungkho y nangchi i paleung mawn nai ly kawi lawh bo.

JOHAN 20:20

Naibaly huna nai thui pajau baly mymy i kiu hawi pana py nichi teng y patei. Hunaibaly abangnaichi ly Areng ai niu baly kawn parai.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

ROM AVANGCHI TENG Y PAWLA I CHA PA NAI 5:11

Huni khyh py ny y leang, vai aly naira ang nga hai nai keung achi i Areng Isu Krista i saho y achi ly Tameuh y kawn teang nai ne.

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

I THESALONIKA 1:6

Naibaly nangchi ly huni leu ly khri pa-rei patang u nai tarawi y Phailo Kachai y kawn parai naimy tangai u i, kaimychi i hawi Areng i amtiu nai keungchi lawn u bo;

JAKOB 1:2

Kai i amjo amnauchi awi, nangchi i ym naira cham nai ly kham pajau naira sa, nanai pany iy

JUDA 1:24

Hunaibaly atlym y ai nai pa-rei nangchi ai ang typ thai ai nai hawi, ni i nang parai naira mo y khrikhri pa-rei amo theu hai iy, chai y naira akau y naimy ang tym hai nai keung, achi ai Paheng nai keung Tameuh leaungrei awm khyh nai teng y ly,

AMTENG HAI NAI 11:10

Naibaly khaileaung pri y awm naichi ly nini i tlang tleaung y khri pa-rei kawn ai i, amo py theu u ai, langseaung py ataviu u leungtang ai; ati mana nai mo nabaly huni leu thui nai keung nyhrei ly khaileaung pri y awm naichi ai patang hai veng bo.

AMTENG HAI NAI 18:7

Mymy ly huna tanrei apalo nai hawi tlamsa ala nai kamta ly, huna tanrei no patang naira hawi paleung mawn naira py vawitheung tha teang ai nai tla; ati mana nai mo nabaly mymy ly paleung y ly, ‘Kai ly samrang nu y ka-teh nai ne, kai neampachy lumai ny y leang, kai ly paleung mawn naira tlen py kaniu ai ny y,’ nanai thui bo.