JOHAN 16:2 - Khumi Common Language Bible

² Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai;

JOHAN 16:2 Iomraidhean Croise

ISAIA 65:5

Naibaly nichi my, mymychi ly khri pa-rei chai parai, takhra khumichi hawi abi ngau y!, nanai thui iy ami ai py mychi sahawi y ahai ai nai pei y. Kai ly huna nai khumichi ai neaung kham pi pajau y. Nichi i tlang tleaung y tym nai kai i kado theu nai ly dei vai y nai mai hawi atawm.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

DANIELA 11:33

Mipuichi ai lu sa nai khumi kachengchi ly mipuichi ai pahawi iy lam patei pi ai. Na i py neng kra kyh nai khala y, nichi theung i khumi phyreichi ly tavai keung y dei iy, phyrei ly mai tamang y veang nai avum u ai. Phyrei khumichi ly lawm nai hawi theaung y paeung nai avum u ai.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

MATTHAI 24:9

“Huni neng khala y ly nichi ly ngari patang ai nai nangchi ai au iy ang padei ai: kai i amyn deaungkho y cheng bawibawichi my py nangchi ai niu ngai y ai.

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

JOHAN 12:42

Ne mang ly miteaung keh neangneangchi ly Isu ai ym u bo; na i py Pharisaichi deaungkho y pany hai y, ti y baly achura yhm i nai patheu lawh na;

JOHAN 16:25

“Hini leu ly nangchi teng y kang thui pi engleng bo: na i py neng tym ai, hunai khala y ly thui pi engleng nai leu ly kang thui pi ali y leang bo, chai pyn naimy Ampo i satang kang thui pi ai.

JOHAN 16:32

Khen cham, neng tym dudu bo, vai py tym ryp bo, hunai khala y ly nangchi ly amy i yhm y ahei akyhkyh pawn ai i, kaimy tlairei ai patlaw u jo ai; na i py Ampo ly kai teng y awm nai deaungkho y kaimy tlairei awm y leang.

JOHAN 4:21

Naibaly Isu my ni teng y, “Lo awi, kai i leu sai ym: hini mawi y py, Jerusalem avang y py nangchi ly Ampo ai chiu y ai nai neng tym ai bo.

JOHAN 4:23

Na i py neng tym dudu bo, vai py tym ryp bo, huna nai khala y ly Tameuh ai chiu tatang naichi ly phailo hawi meitang khyp naimy Ampo ai chiu ai: Tameuh ly mymy ai chiu ai nai huna naichi ai ly hau mang.

JOHAN 9:22

Mymy i amhm ampo my ly Judachi ai jei nai deaungkho y huna nai leu thui nai teu: Judachi my ly ti y rai khala y py, ami py mymy ly Krista ne, nanai asa hai nai khumi ai ly achura yhm i dengdairei patheu ai, nanai arum u yb bo.

JOHAN 9:34

Nichi my ly mymy teng y, “Nang ly kamngo naimy tapen nai na a, kaichi ai patiu lawh a?” nanai pathang i, ni ai ly atho y my patheu bo.

AMTAW 5:33

Naibaly nichi ly huni leu thai baly khrikhri pa-rei paleung yh-i na i, nichi ai padei ai nai tau bo.

AMTAW 7:56

naibaly “Khen cham, kai ly kani am-eaung nai niu i, Tameuh i lamtang mang y Khumi i Chapo angdo nai py kaniu,” napi.

I KORINTH 4:13

amichi my ang tapheaung iy kaichi ly leu kanem y parawi; vai khrairei kaichi ai khaileaung pri i amso ngailai nai, atiti bawibawi i kaneng chai y nai kamta amichi my ang palawn nai ne.

PHILIPI 3:6

atho sa naira mang y ly palau takhra kamkawm ai ana nai keung py ne; Reita leu y hawi naira y ly cheh ai by y nai py ne.

AMTENG HAI NAI 6:9

Naibaly mymy ly pajawp typ nai ka-ma-ra pa-ngo nai ly su phai su baly, maicham anui y ly Tameuh i leu deaungkho y hawi, mymychi i pany hai nai leu patawn nai deaungkho y padei chum naichi i phailochi ai kaniu;

TARA CHIH NAI KEUNGCHI 6:30

Huna nai khala nichi ly Joasa teng y, “Nang i chapo Kideon ai padei ai nai patheu pi! Ni ly Bala i maicham hawi, huni sahawi i Aser ai pany jo nai ka-ma-ra dengkeaung keungchi paliu vui lawh bo ly " napi u.