JOHAN 15:7 - Khumi Common Language Bible

⁷ Ngngchi ly kaimy teng y awm jo iy kai i leu nangchi teng y awm jo teang baly, nangchi i ngai nai ngierei ly hnei u, nangchi i vui ang sa pi ai.

JOHAN 15:7 Iomraidhean Croise

1 ARENG KEH 3:5

Huni vum y Areng ly amang mang y amteng i, “Nang ly ati ngai mo? kang pei ai,” napi.

JOBA 22:26

Hunaibaly nang ly Tameuh ai ym jojo iy, nangmy i amo theu nai sangum ly mymy ne, nanai pany ba.

JOBA 23:12

Kai ly Tameuh my leu pei nai kamta, kasa jojo nai ne. Mymy i ngai nai kamta tako nai ne; kaimy i kangai tako y leang.

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 37:4

Areng teng y amo theu naira hau; hunaibaly mymy ly nang i ngai nai angym hai ai.

LEU KACHENG 10:24

Khumi kahawichi ly mymychi i ngai naichi nga angym reng; nai py khumi hawi y naichi ly khri pa-rei ka-jeirachi avum u ai.

LEU KACHENG 4:4

kai i ampo ly kai ai, “Nang ly kai i leu ai pateungme iy pany jo ba. Mana khala py tami moh. Kaimy kang thui pi nai kamta so; hunaibaly nang heng ai.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

JEREMIA 15:16

Nangmy leu pei nai khala y kai ly hawihai palai tangai nai ne. Nang i leu pei naichi ly kai i paleung ai kawn hai nai hawi amo theu hai naira ne. Ati cheaungkhang sa thai nai Areng Tameuh, kai ly nang i amyn apu nai ne.

MATTHAI 7:7

“Hnei u, naibaly ang pei ai; hau u, naibaly niu ai; takhei u, naibaly ang paeaung pi ai.

JOHAN 14:13

Naibaly Ampo ai ly Chapo deaungkho y palo thai ai nai, kaimy i amyn y nangchi i ati py hnei nai ngierei ly kang sa pi jojo ai.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 16:23

Huni kani y nangchi ly kai teng y ati sai py deng y ai. Meitang khypkhyp kang thui pi, nangchi ly Ampo teng y ati py hnei baly kaimy i amyn y ang pei ai mang.

JOHAN 8:31

Hunaibaly Isu ly mymy ai ym nai Judachi teng y ly, “Nangchi ly kai i leu y awm jo baly kai teng y abang nai khumichi ne khyp bo;

JOHAN 8:37

Nangchi ly Abraham i kangpreang ne, nanai kai pany : na i py kai i leu ly nangchi i paleung y awm ai naira by y nai deaungkho y nangchi ly kai ai padei ai nai hau.

KALATIA 4:2

ampo my pasym pi rym nai neng tym y ryrei ly mymy ly typ nai keung hawi kry nai keungchi i anui y awm lawh nai ne.

KALATIA 5:16

Hunaibaly kai ly kang napi; Phailo y tako u, hunaibaly nangchi ly tlang i ngai phi teng y nai patawm u y ai.

Leu Thui Nai 6:6

Vaini nangchi teng y kang pei nai reitachi ly mana khala py tami u moh.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

I JOHAN 2:14

Ngaaichi awi, nangchi ly angchei kha i dengdairei awm nai ai pany nai deaungkho y ngngchi teng y katajiu nai chy bo. Thawndeangchi awi, nangchi ly ham i, Tameuh i leu ly nangmychi y awm jojo iy, kamngo sa reng nai keung ai ly pajau nai deaungkho y nangchi teng y katajiu nai chy bo.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.

I JOHAN 3:22

hunaibaly achi ly mymy i leu pei naichi patawm iy, mymy i mei ka-niu y atiti kawn ai awm naichi sa reng nai deaungkho y, achi i hnei nai ngierei ly mymy teng i dengdairei nga jojo.

I JOHAN 5:14

Achi ly mymy i ngai nai kamta ati py hnei nai ngierei ly ang tangai pi reng, nanai ly mymy i mang y achi i vam naira ne;