JOHAN 15:4 - Khumi Common Language Bible

⁴ Kai teng y awm u jo, kai py nangmychi teng awm jo ai. Changpi ly kreip angjyn y amtawm jo y baly mymy tlairei athai thai y nai kamta ly, nangchi py kaimy teng y awm jo y baly athai thai y leang.

JOHAN 15:4 Iomraidhean Croise

Solomon i khulym 8:5

Mymy i khrei nai khumi hawi kiu asyn iy daichi ka-vym mang jeu nai ly ami mo? Kai ly khrei nai keung i tapen nai meingtym apple keung anui y, ni ai i kapalaw nai ne.

HOSEA 14:8

Israela khumichi ly mynchi hawi atakai u ai. Kai ly nichi i chiu sa nai tangai iy, nichi ai kry ai. Kai ly heng-yh jo nai keung kamta, nichi ai ama hai ai. Kai ly nichi i vui amtheaungra lem phraiphreaung pa-rei leaung naira lawm ai.

MATTHAI 12:33

“Dengkeaung ai ly kahawi palawn u makho baly athai py kahawi palawn ai nai tla; dengkeaung ai ly hawi y nai palawn u mako baly athai py hawi y nai palawn ai nai tla; ati mana nai mo nabaly dengkeaung ly athai y amny.

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

JOHAN 14:20

Huni kani y kai ly Ngaai teng y awm, nanai hawi, nangchi ly kai teng y awm, nanai hawi, kaimy nangmychi teng y awm nanai py nangmychi my pany ai.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

JOHAN 6:56

Kai i ngan cha iy kai i thi nei nai khumi ly kaimy teng y awm jo, kai py mymy teng y awm jo.

JOHAN 8:31

Hunaibaly Isu ly mymy ai ym nai Judachi teng y ly, “Nangchi ly kai i leu y awm jo baly kai teng y abang nai khumichi ne khyp bo;

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

II KORINTH 13:5

Nangchi ly ym naira y awm u na mo, nanai nangmychi kypkyp my akaneu ly, nangmychi kypkyp my acham u. Ti y baly Isu Krista ly nangmychi teng y awm, nanai nangmychi kypkyp my hawihai palai pany u y nai sai a? Cham naira y eaung nai ne u y makho baly.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,

PHILIPI 1:11

Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 2:6

Hunai deaungkho y nangchi ly Areng Krista Isu ai kawn u nai kamta ly, mymy y tangjyn pala nai hawi adyh kalau ryhryh nai awm iy,

I THESALONIKA 3:5

Hunai deaungkho y kham pajau y nai kha y ly parawi nai keung my nangchi ai parawi vui lawh iy, achi i sa akawm nai ly jawm jawm sum lawh na, nanai nangchi i ym nai sai kapany thai ai nai kang pato nai ne.

HEBRAI 10:39

Na i py achi ly tama naira tym pa-rei ni thun mang y anaw nai kamkawm ny y leang; hengra lawi hai ai nai ym naira awm nai kamkawm ne lawh veng.

I JOHAN 2:6

“kai ly mymy teng y kaawm jojo,” napi nai khumi ly mymy i tako nai kamta khyp my tako teang ai nai tla.

II JOHAN 1:9

Ami py Krista i patiu nai leu y awm jo y iy katlen vui nai keung ngierei teng y ly Tameuh by y:huni patiu nai leu y awm jo nai keung ly, huni khumi kypkyp teng y ly Ampo hawi Chapo py awm abom mei nai ne.