JOHAN 15:2 - Khumi Common Language Bible

² Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

JOHAN 15:2 Iomraidhean Croise

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

SAM 92:14

Huni dengkeaung keungchi ly keung reng teu i malawn py, athaichi athai iy apu parai naimy khaw jojo nai ne.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

ISAIA 29:19

Khumi kamawnchi hawi tahm anem nai khumichi ly Israela chengchi i nang parai nai Areng Tameuh my pei nai, amo theu naira nga u ali teang ai.

DANIELA 11:35

Lu sa nai khumi kachengchi theung i phyrei khumichi ly tleh naira avum ai. Na i py huna nai tleh naira avum u nai molam y, khumichi i paleung ly chai ai. Hunichi ly Tameuh my khai pi nai neng tym pa-rei awm jo ai.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

MALAKHI 3:3

Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

MATTHAI 13:12

Ati mana nai mo nabaly ami py atiti awm nai ngierei teng y ly pei panawi bi ai, naibaly mymy ly bym pa-rei nga ai; na i py ami py atiti by y nai ngierei teng i nai ly mymy i awm yb nai angchi py la pi ra ai.

MATTHAI 13:33

Mymy ly pata nai leu takhra nichi teng y thui pi bi i, “Kani pri my peang nai ly neampachy my angbo la iy, tako dei ne naira thomrei theung y num be pa-rei phui nai kamta atawm,” napi.

MATTHAI 15:13

Mymy ly pathang i, “Kani pri mang i Ngaai my ui y nai keung tleirei ai ly akyn ai nai tla.

MATTHAI 21:19

Naibaly mymy ly lam teng y thaidu keung niu i chei tapai iy, ngam ny y baly ati sai py niu y; naibaly mymy ly huni teng y, “Vai dengdairei deungtasa khrairei athai moh sy,” napi.

MATTHAI 25:29

Ami py atiti awm nai ngierei ai ly pei panawi bi ai, naibaly mymy ly bym pa-rei nga ai; na i py ami py atiti by y nai ngierei teng i nai ly ni i awm yb nai angchi py la pi ra ai.

MATTHAI 3:10

Vai py dengkeaung pakeung tleirei y atiu khai yb bo; hunaibaly dengkeaung tleirei athai kahawi athai y nai ngierei ly paliu iy mai y aphi nai ne.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

MATTHAI 7:19

Athai hawi y nai keung tleirei ly paliu iy mai y aphi reng.

MARKA 4:20

Naibaly khaileaung kahawi ra y hei nai ly hinichi ne he: leu ly thai iy amkhaw i, phairei, vui tariurei, chungvairei athai naichi ne,” napi.

LUKA 8:13

Naibaly thaithi tleaung y tla nai ly hinichi he: nichi ly leu thai baly kawn prai naimy tangai ryp; na i py tangjyn den py ngo y i tanarei chy ym iy parawi nai neng tym khala ly anawn ali veng ryp.

JOHAN 15:1

“Kai ly kreip angjyn pakeung tatang ne, Ngaai ly akho kry nai keung ne.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:3

Kai i nangchi teng y leu thui nai deaungkho y nangchi chai ryp bo.

JOHAN 15:6

Ami py kaimy teng y awm jo y baly changpi aphi nai kamta aphi iy jei ai; naibaly phawm iy mai y aphi ai i kang ai.

JOHAN 15:8

Nangchi neangneang athai baly Ngaai ai ly palo u nai ne; hunaibaly nangchi ly kai teng y abangnaichi lawn u khyp ai.

JOHAN 17:12

Kai ly nichi teng y awm nai sala ryrei ly nangmy kai teng y au naichi ai ly nangmy i amyn y kaimy kry bo: nichi ai kaimy typ i, tama nai chapo ny y baly nichi theung y leaungrei py tamo y; huni py Tameuh i cha-iu leu sai tym thai ai nai ne.

ROM AVANGCHI TENG Y PAWLA I CHA PA NAI 11:17

Na i py changpi phyreichi ai ly tleu hai iy, nang, olive karam ne i nichi theung y patawm iy, olive keung i tangjyn tuihau ahum teang chum nai ne baly, changpi takhrachi teng y ly amlyh reng moh;

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I KORINTH 13:1

Kai ly khumi i leu y hawi kani pri i amtaw thau naichi i leu y leu thui iy py, tamen naira by y pui baly, kai ly kheupaja pakhau nai katyn mo, sa-ra thip nai katyn mo kalawn bo.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.