JOHAN 15:19 - Khumi Common Language Bible

¹⁹ Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.

JOHAN 15:19 Iomraidhean Croise

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MATTHAI 24:9

“Huni neng khala y ly nichi ly ngari patang ai nai nangchi ai au iy ang padei ai: kai i amyn deaungkho y cheng bawibawichi my py nangchi ai niu ngai y ai.

LUKA 6:32

“Naibaly nangchi ai tamen nai keungchi ai harei tamen u khyh baly kawn naira ati nga u ai mo? Khumi kamngochi py mymychi ai tamen nai keungchi ai ly tamen teang na a.

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

I PETERA 4:3

Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;

I JOHAN 3:12

achi ly Kaina kamta awm ai nai tlo y: mymy ly kamngo sa reng nai keung i khumi ne i, amnau ai padei lawh. Naibaly ni ly mymy ai ati mana nai y padei nai mo? Mymy i atiti sa naichi ly kamngo tla iy, amnau i atiti sa naichi ly kahawi ne nai deaungkho y teu.

AMTENG HAI NAI 12:17

Hunaibaly naka ly neampachy i tlang tleaung y khri pa-rei kado theu i mymy i chanauchi, Tameuh i leu patawm nai hawi, Isu i thui pi nai leu patawm cheng nai kamthomchi ai tiu ai nai leh vui bo:

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.