JOHAN 15:16 - Khumi Common Language Bible

¹⁶ Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:16 Iomraidhean Croise

ATITI AWM ANGCHEI NAI 18:18

Mymy i kangpreangchi ly cheng kalen hawi sa thai naira awm nai khumi cheng lawm ai; ni deaungkho y cheng cheaungkhangchi ai kaimy amtheaung hai ai.

SAM 145:4

Nang i sa nai saichi ai khumichi ly deung kangthau khrairei palo u ai; nichi ly nang i sa nai lyh ai hawi nai saichi amthang hai ai.

SAM 71:18

Vai i neng y kai ly miteaung cheang bo i, sam py pau bo; aw kai i Tameuh, kai ai khai su moh kyh ba! Kai ly mo mang i katu chanau kangpreang bawibawichi teng y, nang i sa thai naira nang parai nai satang amthang hai nai khala, kai hawi vanrei awm kyh ba.

LEU KACHENG 11:30

Meitang naira my ly heng naira pei reng; na i py khrukhra nairachi my ly dei hai reng nai ne.

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

MATTHAI 21:22

Naibaly nangchi i ati cheaungkhang ym naimy chiu sa nai hnei nai ngierei ly nga ai,” napi nai pathang.

MATTHAI 7:7

“Hnei u, naibaly ang pei ai; hau u, naibaly niu ai; takhei u, naibaly ang paeaung pi ai.

LUKA 6:13

Naibaly khutawi baly ni teng y abangnaichi ai palau i, nichi theung i nai holai nyhreichi ai vawi takhra iy amyn y py amtaw thau naichi, nanai pathi;

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

JOHAN 15:19

Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.

JOHAN 15:5

Kai ly kreip angjyn pakeung ne, nangchi ly changpi ne; ami py kaimy teng y awm jo iy, kai py mymy teng y awm jo nai ly huni kypkyp ly neangneang athai; nangchi ly kai hawi ny y baly ati sai py so thai y leang.

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.

AMTAW 1:24

Naibaly nichi chiu sa i, “Areng awi, nang ly khumi bawibawichi i paleung pany nai keung ne, Juda ly mymy i awm naira y chei ai nai phra i,

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.

AMTAW 10:41

na i py khumi bawibawichi teng y ny y leang, Tameuh my pany hai nai keung y ang vawi nai, kaimychi kypkyp teng y mymy ly kadeichi theung i dengdairei angthau bi nai bo y mymy teng y cha nai nei naichi ly.

AMTAW 22:14

Naibaly ni ly, ‘Achi i amsi sangumchi i Tameuh my mymy i kangai pany ai nai hawi, Khumi Kahawi ai niu ai nai hawi, mymy i labeaung i raawi thai ai nai py nang ai ang khai rym nai bo.

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

ROM AVANGCHI TENG Y PAWLA I CHA PA NAI 1:13

Naibaly amjo amnauchi awi, Cheng Takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neangneang kang jeu ai nai tau bo, nanai nangchi pany y ai nai kangai y leang; na i py vai khrairei kai ai ang paka jojo.

ROM AVANGCHI TENG Y PAWLA I CHA PA NAI 1:5

mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo;

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

ROM AVANGCHI TENG Y PAWLA I CHA PA NAI 9:21

Laawm sa nai keung my ly khaileaung akawirei hawi laawm harei ly tahm asang naira y teaung ai nai hawi, laawm takhra ly tahm anem naira y teaung ai nai sa ai nai py khaileaung alai ai aly peang y a?

I KORINTH 10:11

Naibaly huni ly amtiu ai naira lawn ai nai nichi i tlang tleaung y tym hai nai chy bo; achi, neng tem naira y tym naichi ai ang parip ai nai tajiu nai ne.

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:6

nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

I TIMOTHEI 2:7

huni molam y ly kai ai aeu hai nai keung hawi amtaw thau nai keung, ym naira y hawi leu meitang naira y Cheng Takhrachi ai patiu nai keung y ang khai rym nai ne (kai ly leu meitang thui nai ne, ka-chawi ny y leang).

II TIMOTHEI 1:11

huni Satang Kahawi leu pany hai ai nai ly kai ai aeu hai nai keung hawi, amtaw thau nai hawi, patiu nai keung y ang khai rym.

II TIMOTHEI 2:2

Naibaly pany nai keung neangneangchi i mo y kai labeaung i leu atiti nang thai nai ly ka-ym awm nai khumi, khumi takhrachi ai patiu pateang pajau ai naichi teng y au.

TITA 1:5

Kai i leu pei nai kamta ly, nang ly vai khrairei nichi i angym pa-rei so y naichi sa hai thai ai nai hawi, avang tleirei y miteaung kehchi ai vawi takhra ai nai py Krit tlawn y kang daw pi bo;

HEBRAI 11:4

Ym naira deaungkho y Abela ly Kaina tleaung y apathyp naira hawi keh nai Tameuh teng y talam bo, huni deaungkho y mymy ly khumi kahawi ne, nanai pany hai naira nga bo; ati mana nia mo nabaly Tameuh my ni i atiti talam nai pany pi bo; naibaly huni deaungkho y mymy ly dei nai bo y py leu thui asai rai nai ne.

JAKOB 3:18

Hawi naira athai ly aly naira sa nai keungchi i vui aly naira tiu nai ne.

I PETERA 3:15

na i py nangchi i paleung theung y Krista ai ly Areng y palawn u pathyp. Nangmychi i paleung theung y awm nai athang khai naira satang molam y ami py deng nai ngierei teng y pathang ai nai angvei u rym jojo; ne mang ly leu anui nai hawi, tahm khai nai tarawi y pathang:

I PETERA 3:2

leu ny y naimy mymychi i ajuchi i amhi amtlau nai sai y nichi ai nga thai ai.

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

I JOHAN 4:19

Mymy ly achi ai ang tamen man nai deaungkho y achi ly tamen nai ne.