JOHAN 15:12 - Khumi Common Language Bible

¹² “Hini ly kai i leu kang pei nai ne, kaimy kang tamen nai kamta ly nangchi py atmen u leungtang.

JOHAN 15:12 Iomraidhean Croise

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

JOHAN 13:34

Atamen u leungtang, nanai leu kangtha kang pei; kaimy nangchi ai kang tamen nai kamta ly nangchi py atamen u leungtang.

JOHAN 15:17

Nangchi ly atamen u leungtang ai nai hini leu kang pei.

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

I THESALONIKA 3:12

Naibaly achi i Areng Isu Krista ly mymy i khumi kachai bawibawichi hawi ang jeu nai khala y ly, achi i Tameuh hawi Ampo i mo y ly nangchi i paleung ai ly chai naira y cheh ai nai by y pa-rei my ang khaw hai thai ai nai,

I THESALONIKA 4:9

Na i py amjo amnauchi ai tamen nai leu ly ami py nangchi ai tajiu pi ai nai aly by y; nangmychi kypkyp my atamen leungtang ai nai Tameuh my patiu veng bo;

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 3:8

Kangkhym kangtem y ly nangchi bawibawi paleung vanrei awm u ly, pahen nai paleung awm u, amjo amnauchi kamta atamen u, neaung kahawi awm u, leu anui naimy awm u ly:

I PETERA 4:8

atiti bawibawi tleaung y py hawihai palai atamen u leungtang: tamen naira my ly kamngo neangneang ai khiu lawh veng:

I JOHAN 3:23

Achi ly mymy i Chapo Isu Krista i amyn y ym iy, mymy i leu pei nai kamta atamen leungtang ai nai mymy i leu pei nai ne he.

I JOHAN 4:21

Achi ly mymy teng i dengdairei hini leu pei nai ly awm he; ami py Tameuh ai tamen baly, mymy i amjo amnau ai tamen teang ai nai tla, napi nai ne.

II JOHAN 1:5

Naibaly lo awi, nang teng y leu pei nai kangtha tajiu nai kamta ny y naimy, angchei kha i dengdairei achi i nga nai kamta katajiu nai teu, achi ly tamen leungtang ai nai kang takeng nai he.