JOHAN 14:30 - Khumi Common Language Bible

³⁰ Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

JOHAN 14:30 Iomraidhean Croise

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

LUKA 22:53

Kai ly nangchi teng y achura yhm kalen pui y kani tleirei awm nai khala y ly kai ai patiu ai nai tau u y pui be: na i py vai ly nangchi i neng py ne, kaveng my aly peang nai i neng py ne teang,” napi.

JOHAN 12:31

Vai hini khaileaung pri ai chih thym rai; vai hini khaileaung pri i areng ai ly patheu vui ai.

AMTAW 1:3

Hunichi teng y ly mymy i ngari patang nai bo y neangneang pany kyp naira y mymy ly heng teang, nanai amteng hai iy, kani vui palyhrei sala y mymychi teng y amteng pi i, Tameuh i peang nai satang thui pi;

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

EPHESI 6:12

Ati mana nai mo nabaly achi i ani nai ly thi hawi ngan hawi ny y leang, na i py areng naira hawi, aly peang naira hawi, hini veng nai tleaung y khaileaung pri peang nai keungchi hawi, kani laileaung y awm nai vawinamchi hawi ani nai teu.

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

I PETERA 1:19

beram cho meimai cheh ai by y nai hawi anyng akau y nai kamta, Krista i thi vang teng parai nai hawi nangchi ai atleu nai ne, nanai ly pany u.

I PETERA 2:22

Mymy ly kamngo pipi so y leang, mymy i labeaung y py tapawp paryp naira ha py by y;

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

I JOHAN 5:18

Ami py Tameuh i tapen nai ly kamngo sa nai ny y leang, nanai achi pany; Tameuh teng i awm nai my lyni ai kry jojo i, kamngo sa reng nai keung my ly ni ai nam py nam pajau y leang.

I JOHAN 5:19

Naibaly achi ly Tameuh i ne, nanai hawi khaileaung pri bomrei ly kamngo sa reng nai keung i ngaingai awm, nanai py achi pany.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.