JOHAN 14:28 - Khumi Common Language Bible

²⁸ ‘Kai ly tako veng ai i, nangchi teng y kang jeu teang ai,’ kang napi nai ly nangchi pany bo. Nangchi ly kai ai tamen baly, kai ly Ampo teng y kachei ai nai deaungkho y nangchi kawn ai bo; ati mana nai mo nabaly Ampo ly kai tleaung y len keh nai ne.

JOHAN 14:28 Iomraidhean Croise

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

SAM 68:9

Nang ly khri pa-rei kani taawi hai nai deaungkho y, atho bai nai pri ai khesere hai ali teang bo.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

MATTHAI 12:18

“Khen cham, kai i miseaung kavawi nai, Kai i ngai parai nai, kai i paleung ly mymy i tlang tleaung y khrikhri pa-rei kawn parai; mymy i tlang tleaung y kai i Phailo kadaw pi ai, Hunaibaly mymy ly Cheng Takhrachi teng y tara chih nai leu thui pi ai.

JOHAN 10:38

Na i py kai ly sa nai ne baly, Ngaai ly kai teng y awm nanai hawi, kai ly Ngaai teng y awm, nanai py nangchi tangai iy pany thai ai nai, kai ai ym u y i py kai i atiti sa nai ly ym u,” nanai pathang.

JOHAN 13:16

Meitang khypkhyp kang thui pi, miseaung ly yhmkeung tleaung y len y leang; pato nai khumi ly pato nai keung tleaung y len y leang.

JOHAN 14:12

Meitang khypkhyp kang thui pi, ami py kai ai ym baly kai i atiti sa naichi ly ni py sa teang ai; ne, kai ly Ampo teng y chei ai nai deaungkho y mymy ly hini tleaung y atiti len keh naichi sa ai rai.

JOHAN 14:18

“Nangchi ai nuro kang khai jo y leang mang; nangchi teng y kang jeu teang ai.

JOHAN 16:7

Na i py kaimy leu meitang kang thui pi; kai chei baly nangchi i vui avo ai; kai chei y baly Awm Hai Nem nai Keung ly nangchi teng y ang jeu ai ny y; kai chei baly ni ai nangchi teng y kang pato ai.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 20:21

Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi.

JOHAN 5:18

Hunaibaly anawn Kani taphra nai harei khyh py ny y i, Tameuh ly mymy i Ampo kypkyp y pathi iy Tameuh tanrei amlawn nai deaungkho y Judachi ly ni ai padei ai nai hau ra.

JOHAN 7:33

Naibaly Isu my, “Tanarei chy sala y nangchi teng y kang awm ai i, kai ai pato nai keung teng y kachei vui ai.

I KORINTH 11:3

Na i py neampacho leaung leaungrei i lu ly Krista ne, neampachy i lu ly neampacho ne, Krista i lu ly Tameuh ne, nanai ly nangchi pany ai nai kangai.

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

AMTENG HAI NAI 1:11

“Nang i atiti niu nai ly cha-iu y tajiu iy, palau takhra kamkawm saryhrei, Ephesi avang hawi, Smurna avang hawi, Perkamon avang hawi, Thuatira avang hawi, Sardisa avang hawi, Philadelphia avang hawi, Leiodikeia avang teng y py pa,” nanai kathai.