JOHAN 14:27 - Khumi Common Language Bible

²⁷ Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

JOHAN 14:27 Iomraidhean Croise

2 NENG SATANG 20:30

Hunai deaungkho y Jehoshapha ly tlamsa naimy peang ai nai nga. Tameuh my ni i pri meingtym tleirei y chymme naira awm hai bo.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

SAM 11:1

Kai ly Areng teng y abyh bo. Pri amrip sup naira by y nai khala y, “Tavo kamta mawi salo mang y akheang ba;

SAM 112:7

Hunai deaungkho y ni ly satang hawi y naichi thai ai ny y; ni ly Areng ai ym nai khumi ne nai deaungkho y, ni i paleung ly khaw nai ne.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 28:3

Hawi y sa nai khumi kamngochi hawi vanrei, kai ai pajeng moh kyh ba. Nichi ly leu tui teu i py, niu ngai y nai paleung awm u nai ne.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 56:11

Kai ly mymy ai ym nai deaungkho y, ami ai py jei ai ny y; khumi ly kai ai ati sa pajau ai mo?

SAM 56:3

Aw ati cheaungkhang sa thai nai Areng, kai ly jei hyn nai khala y, nang ai kang-ym nai ne.

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

SAM 72:7

Samrang i deung y leu meitang adyh adawi naimy peang hai sy; lo my kangvang pei nai ryrei ly tlamsa naira awm sy.

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

SAM 91:5

Nang ly vum y avum reng nai ka-jeirachi ai py, kanithun y tym miu reng nai khrukhra nairachi ai py,

LEU KACHENG 3:25

Nang ly khumi hawi y naichi i tlang tleaung y ali kamchai kamta, vaimy tym miu reng nai patangra ly avum ai, nanai paleung mawn moh.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

ISAIA 55:12

Nangchi ly Babulon pri i dengdairei, amo theu parai naimy theu u ai. Mary theung i nai tlamsa naimy pahawi nai avum u ai. Mawi katheang kalenchi ly aeu naimy khulym thui u ai. Dengkeaung keungchi py, amo theu parai naimy aeu u sau ai.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 1:8

Kai ly nang hawi vanrei awm iy, nang ai asa hai ai. Hunai deaungkho y nang ly nichi ai jei moh; hini ly kai, Areng i thui nai leu ne! " nanai kai teng y leu ang pei bo.

TANGAM NAI LEU 3:17

Kai ly noso aho nai, tlamsa nai hawi amo theu nai py, katami pawn veng bo.

Ezekiela 2:6

“Na i py nang, khumi cho awi, nang ly nichi ai py, nichi i thui nai leu ai py jei moh, kaso py theu moh. Nichi ly nang ai aleng keungchi kamta ang katanmeuh ai. Nang ly kani taai reaung y awm nai kamta lawm ai. Nichi ly huna nai atiu reng nai khumichi ne nai deaungkho y ne.

DANIELA 4:1

Samrang Nebukhadnezar ly khaileaung pri verei y awm nai, leu cheaungkhang katheu nai khumi bawibawichi teng y, pany hai ai ngai nai cha harei ly hina nai kamta pa nai ne. “Nangchi ly paleung awmnem naimy awm u sy!

DANIELA 6:25

Naibaly samrang Dari ly khaileaung pri i cheng leu cheaungkhang katheu nai, khumi neangneangchi hawi pri neangneangchira i, khumi bawibawichi teng y cha tajiu nai ne. Huni cha theung y ly “Paleung awmnem nai awm sy!

ZEKHARIAH 6:13

Ni ly Achura yhm sa ai nai keung, samrang hawi ataing nai phum-ang nga ai nai khumi ne nai deaungkho y, mymy i chengchi ai peang ai; my i areng atehra sahawi y pathyp pi nai keung leaungrei ly angdo iy, ni hawi vanrei tlamsa naimy amkawm ai.

Kati Nai 6:26

Areng ly nangchi ai khen angdeang iy awmnem naira pei sy.

MATTHAI 10:26

“Hunaibaly mymychi ai ly jei u moh; amteng y ai nai heu nai ly ha py by y, pany y ai nai apha nai py ha py by y.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 10:5

Naibaly nangchi i kun nai yhm tleirei y, ‘Hini yhm y ly awmnem nai tym sy,’ nanai thui u man.

LUKA 12:4

“Naibaly ahawichi awi, kang thui pi, Tlang y padei iy, huni bo y ati takhra so bi thai y naichi ai ly jei u moh;

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

JOHAN 14:1

“Nangchi i paleungbi u moh. Tameuh ai ym i kai ai py ym.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

JOHAN 20:19

Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi.

JOHAN 20:21

Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi.

JOHAN 20:26

Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 18:9

Naibaly vum y Areng my Pawla teng y ly amang kamta amang i, “Jei moh, anawn y naimy leu thui jojo;

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

ROM AVANGCHI TENG Y PAWLA I CHA PA NAI 15:13

Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;

ROM AVANGCHI TENG Y PAWLA I CHA PA NAI 5:10

Achi ly paleung ka-e ne nai thym khala y malawn py mymy i Chapo dei nai deaungkho y Tameuh hawi aly naimy awm chum nai ne baly, achi ly aly naimy awm nai bo y ly mymy i hengra deaungkho y pahengra nga takengkei ai.

ROM AVANGCHI TENG Y PAWLA I CHA PA NAI 8:6

Tlang mang i atitichi ngai nai ly dei naira ne, Phailo mang i atitichi ngai nai naini heng naira hawi awmnem naira py ne;

I KORINTH 1:3

Tameuh achi i Ampo hawi Areng Isu Krista teng i dengdairei pahenra hawi awmnem naira py nangchi teng y awm sy.

KALATIA 1:3

Ampo Tameuh hawi achi i Areng Isu Krista teng i dengdairei pahenra hawi awmnem naira ly nangchi teng y awm sy;

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 6:16

Naibaly huni i reita kamta tako nai ngiereichi hawi Tameuh i Israelachi i tlang tleaung y py awmnem naira hawi pahen naira py awm sy.

PHILIPI 4:7

Hunaibaly Tameuh teng i awmnem naira, den py pany bawi pajau y nai my ly, nangchi i paleung hawi dawn nairachi py Isu Krista y ang typ pi ai mang.

KOLOSA 1:2

Timothei achi i amjo amnau py, Kolosa avang i Krista y khumi kachaichi hawi, amjo amnau ka-ym awm naichi teng y ly: Tameuh achi i ampo teng i dengdairei pahenra hawi awmnem naira ly nangchi teng y awm sy.

KOLOSA 1:20

mymy y ly ati cheaungkhang amy hawi aly hai nai ly Ampo i paleung ngai nai tatang ne; mymy kypkyp y ly khaileaung pri y atiti awm naichi ai hawi, kani mang y atiti awm naichi ai py aly hai nai ly.

KOLOSA 3:15

Naibaly Krista i awmnem naira my ly nangchi i paleung ai peang sy, hunai kamta lawn ai nai nangchi ai ly tlang bomrei y ang palau nai chy bo; naibaly kawn u.

II THESALONIKA 1:2

Ampo Tameuh hawi Areng Isu Krista teng i dengdairei pahenra hawi awmnem naira ly nangchi teng y awm sy.

II THESALONIKA 3:16

Naibaly aly nai Areng kypkyp my ly cheaungkhangra y nangchi ai aly naira mana khala y py pei sy. Areng ly nangchi bawibawi teng y awm sy.

II TIMOTHEI 1:7

ati mana nai mo nabaly Tameuh my achi jei ai nai phailo ang pei nai ny y leang, sa thai naira hawi tamen naira hawi parip naira phailo ang pei na teu.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

HEBRAI 7:2

Naibaly Abraham ly mymy teng y cheaungkhangra y horei y harei pei. Ni i amyn angchei i awm nai sai ly Hawi naira Samrang ne, huni i ka-tla ly Salem i Samrang ne teang: huni ly Aly nai Areng, nanai sai ne;

AMTENG HAI NAI 1:4

Johan my ly Asia pri i palau takhra kamkawm saryhreichi teng y ly: Vai awm nai hawi, jangni i dengdairei awm nai hawi, vai momang y awm ai nai keung teng i dengdairei hawi, mymy i areng atehra mo y awm nai Phailo saryhreichi teng i dengdairei hawi,

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.