JOHAN 14:26 - Khumi Common Language Bible

²⁶ Na i py Awm Hai Nem nai Keung Phailo Kachai, Ampo my kai i amyn y ang pato ai nai ly nangchi ai ati cheaungkhang ang patiu ai; kai i nangchi teng y kang thui pi nai ngierei py ang pany hai vau bi ai.

JOHAN 14:26 Iomraidhean Croise

SAM 51:11

Nang i mei ka-niu i nai kai ai patheu vui moh ba; nang i Phailo Kachai kai teng i nai lo pi veng moh kyh ba.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

MATTHAI 1:18

Naibaly Isu Krista ai tapen nai sai ly hinai kamta ne; Mymy i amhm Mari ai ly Josepha my angam nai bo y, nini ly apom y rai kha y Phailo Kachai my deaungdi aniu hai, nanai pany bo.

MATTHAI 1:20

Na i py mymy ly huni leu adawn nai thym khala y khen cham, Areng i kani pri i amtaw thau nai leaungrei ly amang mang y ni teng y amteng i, “Davida i kangpreang Josepha awi, nang i aju mari ai pom ai nai jei moh: mymy i deaungdi aniu nai ly Phailo Kachai i aniu hai nai teu na a.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

MATTHAI 3:11

“Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

MARKA 12:36

Davida kypkyp my Phailo Kaichai i saho y, ‘Areng ly kai i Areng teng y, Nang i paleung ka-echi ai ly nang i kheu khai naira kapalawn y ryrei ly Kai i lamtang mang y ateh,’ napi.

MARKA 13:11

Naibaly nangchi ai pahawi iy ang patiu hai nai neng khala y ly, ‘Mana, ati kathui ai mo?’ nanai paleung adi adiu nai awm u rym moh: huni neng khyp khala y ang pany hai nai ngierei ly huni kyp kyp phai thui u; ati mana nai mo nabaly thui ai nai keung ly nangchi ny y leang, Phailo Kachai teu.

LUKA 1:15

Ati mana nai mo nabaly ni ly Areng khi y ly khumi kalen ne ai i, kreip athai hang hawi mhm ly den py nei y ai:amhm taku theung i ka-so Phailo Kachai my kawi ai.

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

LUKA 1:41

Naibaly hina nai ne, Elizabet my Mari i kawn nai leu thai baly my i taku theung i deaungdicho ly angto; naibaly Elizabet ly Phailo Kachi my kawi iy, tao pajeng parai naimy aeu i,

LUKA 1:67

Naibaly mymy i ampo Zakaria ly Philo Kachai my kawi i,

LUKA 11:13

Hunaibaly nangchi khumi kamngo malawn py chanauchi teng y atiti kahawi pei ai nai sai pany baly, kani pri mang i Ngampo ly hnei nai keungchi teng y ly Phailo Kachai mana tanrei ang pei ai mo?” napi.

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

LUKA 24:49

Naibaly khen cham, Ngaai i adeu nai ly nangchi teng y kang pato ai; na i py salo mang i dengdairei nangchi ai atiti sa thai naira y amthyp hai y ryrei ly avang y ajeng u jo rai ba,” napi.

LUKA 3:22

naibaly kani pri mang i dengdairei raawi ly, “Nang ly kai i Chapo ngai parai nai ne; kai ly nang i tlang tleaung y khrikhri pa-rei kakawn parai,” napi.

JOHAN 1:33

Kai ly mymy ai pany y, na i py tui y baptis sa ai nai kai ai pato nai keung ly kai teng y, ‘Phailo ly ami i tlang tleaung y kathiu iy chym nai nang niu nai ngierei ly, mymy kypkyp ly Phailo Kachai y baptis sa ai nai keung ne ai,’ ang napi.

JOHAN 12:16

Angchei khala y abangnaichi ly huni satang pany thai y; na i py Isu ai palo nai bo y ly ni i satang huni atitichi tajiu nai ne, nanai hawi, ni i tlang tleaung y huni atitichi sa u bo, nanai py adawn u vau bo.

JOHAN 14:16

Naibaly kaimy Ampo teng y hnei ai i, deungtasa khrairei nangchi teng y awm jo ai nai Awm Hai Nem nai keung takhra ang pei ai.

JOHAN 14:25

“Kai ly nangchi teng y awm nai sala ryrei ly huni leu kang thui pi bo.

JOHAN 15:26

Naibaly Ngaai teng i nai Awm Hai Nem nai Keung nangchi teng y kang pato ai nai, Ngaai teng i Leu Meitang Phailo ly ang tym khala y ni my kai i satang ang pany hai ai;

JOHAN 16:7

Na i py kaimy leu meitang kang thui pi; kai chei baly nangchi i vui avo ai; kai chei y baly Awm Hai Nem nai Keung ly nangchi teng y ang jeu ai ny y; kai chei baly ni ai nangchi teng y kang pato ai.

JOHAN 2:22

Hunai deaungkho y mymy ai ly kadeichi theung i nai pathau nai bo y, ni ly huni leu thui bo, nanai abangnaichi my adawn vau i, Tameuh i cha-iu leu sai hawi Isu i leu thui nai py ym u bo.

JOHAN 20:22

Naibaly huna nai leu thui pajau baly nichi i tlang tleaung y taho i nichi teng y, “Phailo Kachai ngo u;

JOHAN 6:45

Amochi i cha-iu y ly, ‘Tameuh my nichi bawibawi ai patiu ai,’ nanai tajiu nai ne. Ami py Ampo i leu thai iy amtiu nai ngierei ly kai teng y ang jeu.

JOHAN 7:39

Huni leu ly mymy ai ym naichi i nga ai nai Phailo i satang thui nai ne: Isu ai palo y rai nai deaungkho y Phailo pei y rai.

AMTAW 1:2

mymy ly Phailo kachai i saho y ni i vawi nai amtaw thau naichi teng y leu pei pajau iy, kani mang y pahawi kalau vui nai kani tym pa-rei nai leu ly kaimy tajiu bo.

AMTAW 1:4

naibaly mymychi i awm achu naira y amkawm teang iy mymy ly, “Jerusalem i nai theu u moh; Ngaai i atiti adeu nai, kaimy kang thui pi nai ly ajeng u;

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.

AMTAW 11:16

Naibaly Areng i leu, ‘Johan my ly tui hawi baptis sa ly, na i py nangchi ly Phailo Kachai y baptisma nga ai,’ napi nai sai ly kai pany vau bi bo.

AMTAW 13:2

Naibaly Areng i kalop sa nai hawi biu hai nai thym khala y Phailo Kachai my ly, “Barnaba hawi Sawla nini ai ly kai i khai rym nai atiti sa ai nai ly kai ai khai pi u takhra,” napi.

AMTAW 13:4

Hunaibaly nini ly Phailo Kachai my pato nai chei i, Selukia avang y kathiu iy, hu i dengdairei Kupra tlawn y paleaung mang chei bo.

AMTAW 15:28

Phalo Kachai hawi kaichi ly hini leu aly len parai nai ny y baly myn ji ra nai ly nangchi i tlang tleaung y tym hai y baly avo napi;

AMTAW 15:8

Naibaly paleung ai pany nai keung Tameuh my achi ai ang pei nai kamta ly Phailo Kachai mymychi teng y pei teang iy, mymychi ai kawn nanai pany hai bo;

AMTAW 16:6

Naibaly Phailo Kachai my Asia pri y leu thui ai nai paka nai deaungkho y nichi ly Phrukia hawi Kalatia pri ly hi be bo;

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

AMTAW 28:25

Naibaly mymychi tengtawi adyh y i, Pawla my leu sairei thui nai bo y theu u pawn bo; “Phailo Kachai ly amo Isaia i labeaung y nangchi i amsi sangumchi teng y thui nai ly teng parai:

AMTAW 5:3

Na i py Petera my, “Anania, Phailo Kachai ai ka-chawi thui ai nai hawi, meingtym vang ly phyrei um mai veng ai nai py ati mana nai nang i paleung y Setan my kawi hai lawh?

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

AMTAW 7:55

Na i py mymy ly Phailo Kachai my kawi i kani mang y khen jo iy, Tameuh i nang parai nai sai hawi, Tameuh i lamtang mang y Isu angdo nai py niu;

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 15:13

Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

I KORINTH 12:3

Hunai deaungkho y ami py Tameuh i phailo mang i leu thui iy, Isu ly amsawi lawi nai ne, nanai tapi pajeu y; naibaly ami py Phailo Kachai y harei ny y baly Isu ly Areng ne, nanai tapi pajau y, nanai kang pany hai nai ne.

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

II KORINTH 6:6

chai naira y py, pany naira y py, amnym naira y py, neaung hawi naira y py, Phailo Kachai y py, tamen tatangnaira y py,

EPHESI 1:13

Mymy y ly nangchi py leu meitang, nangchi i heng nai Satang Kahawi ly tangai u iy, ym py ym u nai bo y mymy y ly adeu nai Phailo Kachai y ang pajawp hai typ bo.

EPHESI 1:17

mymy ai pany naira y cheng nai hawi, hawihai pany nai phailo ang pei thai ai nai, kai i chiu sa naira y ly nangchi ai chiu sa hai iy, nangchi i tlang tleaung y kawn nai leu thui nai ly ka-nawn y leang;

EPHESI 4:30

Tameuh i Philo kachai ai ly paleung mawn hai u moh, mymy y ly nangchi ai atleu nai kani i vui ly ang pajawp hai typ bo.

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

II TIMOTHEI 1:14

Nang teng y atiti kahawi ang kry hai nai ly achi i paleung theung y awm nai Phailo kachai i saho y hawihai kry ba.

TITA 3:5

achi i atiti kahawi sa nai deaungkho y ny y naimy, kangtha sa palai bi naira paju nai hawi, Phailo Kachai i kangtha sa palai bi veangveang nai deaungkho y mymy i pahen nai kamta khyp naimy ang paheng nai bo.

HEBRAI 10:15

Naibaly Phailo kachai my py achi ai pany hai teang i,

HEBRAI 2:4

Tameuh my py ka-ma-rachi hawi, atiti rengrangchi hawi, atiti sa thai naira cheaungkhang hawi, mymy i ngai nai kamta Phailo Kachai i atiti paji naichi deaungkho y nichi hawi pany hai bo.

HEBRAI 3:7

Hunaibaly Phailo Kachai i thui nai kamta khyp ly, “Vaini ly mymy i raawi tangai u baly,

HEBRAI 9:8

hini ly angchei i achura yhm awm nai sala ryrei ly Chai Keh Nai Meingtym y kun ai nai lam ly amteng y leang rai, nanai Phailo Kachai my pany hai nai ne.

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

II PETERA 1:21

Thui rym nai leu ha py khumi i kangai y theu vai y leang: huni ny y naimy Phailo Kachai my khumichi ai dawn hai iy Tameuh teng i dengdairei thui nai ne.

I JOHAN 2:20

Na i py nangchi ly khumi Kachai teng i dengdairei rimui paju nai nga i, ati cheaungkhang angym pa-rei pany u nai ne.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.

I JOHAN 5:7

Phailo ly leu meitang ne nai deaungkho y pany hai nai keung ly Phailo ne.

JUDA 1:20

Na i py ngai parai naichi awi, nangchi ly nangchi i ym naira chai parai nai ai akhaw hai iy

AMTENG HAI NAI 2:11

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly pa-nyh dei naira y ly ati sai py so hai y ai,’ napi.