JOHAN 14:21 - Khumi Common Language Bible

²¹ Ami py kai i leu pei naichi tangai iy patawm nai ly kai ai tamen nai keung ne; ami py kai ai tamen nai ly Ngaai my tamen ai, kai py ni ai tamen ai i ni teng y kamteang ai,” napi.

JOHAN 14:21 Iomraidhean Croise

2 ARENG KEH 18:6

Ni ly Areng i tlang tleaung y ka-ym awm iy, mymy i leu tangai y nai mana khala py awm vai y. Areng my Mosi teng y pei nai reitachi ai, hawihai palai kry nai ne.

SAM 35:27

Kai ai tlamsa naira nga hai ai nai ngai nai khumichi ly amo theu naimy, “Areng ly nang parai nai ne! mymy i miseaung nang nai ly atho kanga bo,” nanai avawvawrei aeu u sy.

THEU NAI 33:18

Hunaibaly Mosi my, “Nang i kangvang nang parai nai sangso niu ai nai pei kyh,” nanai takeng.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

JEREMIA 31:31

Areng my, “Kai ly Israela khumichi, Juda khumichi hawi Leu Maikawm kangtha asa nai neng tym ai.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

JOHAN 14:15

“Nangchi ly kai ai tamen baly kai i leu pei naichi tangai u ai.

JOHAN 14:18

“Nangchi ai nuro kang khai jo y leang mang; nangchi teng y kang jeu teang ai.

JOHAN 15:14

Nangchi ly kaimy i leu kang pei nai ngierei sa baly, kai i ahawichi lawn u ai.

JOHAN 16:14

Ni ly kai ai palo ai; ati mana nai mo nabaly ni ly kai i nai la ai i, nangchi teng y ang thui pi ai.

JOHAN 16:27

Nangchi ly kai ai tamen i, kai ly Ampo teng i nai theu iy khaileaung pri y kang jeu, nanai py ym u nai deaungkho y, Ampo kypkyp my nangchi ai ang tamen.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

AMTAW 22:18

naibaly, ‘Awn ly, Jerusalem i dengdairei theu jau, kai i satang nang thui ai nai ly nichi tangai ai ny y leang he, ang napi thym nai kaniu.

II KORINTH 12:8

Huni molam y ly kai ai ang heng pi vui thai ai nai kai ly Areng teng y tlen thomrei hnei bo.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

Leu Thui Nai 11:13

“Hunai deaungkho y nangchi teng y vai, kaimy pei nai reitachi phai patawm u; nangchi i Areng Tameuh ai nangchi i paleung hawi verei tamen iy mymy i kalop phai so u.

Leu Thui Nai 7:13

Mymy ly nangchi ai tamen iy amtheaungra pei nai deaungkho y, nangchi ly peung ai i, cho chanau neangneang sa u ai; mymy ly nangchi i li hlauchi ai amtheaung hai nai deaungkho y, amti amjang, kreip hang hawi olive asitui neangneang nga u ai Mymy ly nangchi ai amtheaung hai nai y, si, beram tawnbawichi py peung ai. Nangchi i amsi pajochi teng adeu nai pri y nangchi tym nai khala, huni amtheaung nairachi ang pei ai.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

II TIMOTHEI 4:22

Areng ly nang i phailo teng y awm sy. Pahenra ly nangchi teng y awm sy.

I JOHAN 2:5

Na i py ami py mymy i leu patawm nai ngierei ly Tameuh ai tamen naira ly mymy teng y angym tatang nai bo. Achi ly hinira y mymy teng y awm, nanai apany nai ne.

I JOHAN 3:1

Khen cham achi ai Ampo my ang tamen nai ly mana tanrei na mo! Tameuh i chanauchi y ang pathi vui na ly: achi ly huni kamta ne khyp; khaileung pri my ly mymy ai pany y nai deaungho y achi ai py pany y.

I JOHAN 5:3

Achi i Tameuh ai tamen nai ly mymy i leu pei nai patawm nai ne; mymy i leu pei nai ly myn kaji pho hai nai ny y leang.

II JOHAN 1:6

Naibaly mymy i leu pei nai kamta achi i tako veangveang nai ly tamen naira ne; nangchi ly hunira y tako veangveang ai nai, angchei kha i dengdairei nangchi i pany nai leu pei nai ly huni ne ho.

AMTENG HAI NAI 2:17

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung teng y ly heu nai manna kapei ai, lengseaung kangleung py kapei ai; nga nai keung leaungrei ny y baly ami py pany pajau y nai amyn kangtha ly huni lengseaung y tajiu angchi nai ne,’ napi.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.