JOHAN 14:17 - Khumi Common Language Bible

¹⁷ Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

JOHAN 14:17 Iomraidhean Croise

LEU KACHENG 14:10

Amo theu naira hawi paleung mawn nai ly keungko hawi naini abi khyh; hunichi ai takhra ami py amtym thai y.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

Ezekiela 36:27

Kai i phailo nangchi teng y kang pakun pi iy, nangchi ai kai i reita leaungsaichi patawm hai ai. Kai i leu pei naichi py tangai hai ai.

MATTHAI 10:20

Thui ai nai keung ly nangchi ny y leang, Ngampo i Phailo my nangchi ai ang thui hai ai nai teu.

JOHAN 14:16

Naibaly kaimy Ampo teng y hnei ai i, deungtasa khrairei nangchi teng y awm jo ai nai Awm Hai Nem nai keung takhra ang pei ai.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 15:26

Naibaly Ngaai teng i nai Awm Hai Nem nai Keung nangchi teng y kang pato ai nai, Ngaai teng i Leu Meitang Phailo ly ang tym khala y ni my kai i satang ang pany hai ai;

JOHAN 16:13

Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai.

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

I KORINTH 14:15

Tumbaly mana kasa ai mo? Phailo y chiu kasa ai i, pany thai naira y py chiu kasa teang ai; phailo y khulym kathui ai i, pany thai naira y py khulym kathui teang ai.

I KORINTH 2:14

Tlang mang y asa nai khumi ly Tameuh i phailo mang i atitichi ai ly kawn y leang; ni i vui ly pathu naira ne; hunichi ai Phailo mang y dawn pasym nai ne nai deaungkho y mymy ly pipi pany pajau y.

I KORINTH 3:16

Nangchi ly Tameuh i awm naira ne, nanai hawi, Tameuh i phailo ly nangmychi y awm jo, nanai py pany y nai sai a?

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

II KORINTH 13:5

Nangchi ly ym naira y awm u na mo, nanai nangmychi kypkyp my akaneu ly, nangmychi kypkyp my acham u. Ti y baly Isu Krista ly nangmychi teng y awm, nanai nangmychi kypkyp my hawihai palai pany u y nai sai a? Cham naira y eaung nai ne u y makho baly.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

KALATIA 4:6

Naibaly nangchi ly chanau ne u nai deaungkho y Tameuh my mymy i Chapo i Phailo ai ly Abba, Ngaai, nanai aeu naimy achi i paleung y ang pato bo.

EPHESI 2:22

nangchi ai py mymy y ly Phailo y Tameuh i awm ai naira padyh u achu nai ne.

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

II TIMOTHEI 1:14

Nang teng y atiti kahawi ang kry hai nai ly achi i paleung theung y awm nai Phailo kachai i saho y hawihai kry ba.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.

I JOHAN 3:24

Mymy i leu pei nai patawm nai khumi ly mymy teng y awm jojo i, mymy py ni teng y awm jojo teang nai ne. Naibaly mymy ly achi teng y awm jojo nanai ly Phailo ang pei naira y ly achi pany.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

I JOHAN 4:6

Achi ly Tameuh teng i nai ne; Tameuh ai pany nai khumi ly achi i leu tangai; Tameuh teng i nai ny y nai khumi ly achi i leu tangai y leang. Hunira y ly phailo meitang nai hawi, phailo meitang ny y nai py achi pany.

I JOHAN 5:7

Phailo ly leu meitang ne nai deaungkho y pany hai nai keung ly Phailo ne.

AMTENG HAI NAI 2:17

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung teng y ly heu nai manna kapei ai, lengseaung kangleung py kapei ai; nga nai keung leaungrei ny y baly ami py pany pajau y nai amyn kangtha ly huni lengseaung y tajiu angchi nai ne,’ napi.