JOHAN 14:12 - Khumi Common Language Bible

¹² Meitang khypkhyp kang thui pi, ami py kai ai ym baly kai i atiti sa naichi ly ni py sa teang ai; ne, kai ly Ampo teng y chei ai nai deaungkho y mymy ly hini tleaung y atiti len keh naichi sa ai rai.

JOHAN 14:12 Iomraidhean Croise

MATTHAI 21:21

Naibaly Isu my nichi teng y, “Meitang khyp kang thui pi, nangchi ly ym naira awm iy, ym thai y nai by y baly, nangchi ly thaidu keung y sa nai kamta sa khyh nai ny y i, hini mawi ka-sang teng y py, ‘Asyh ly, pangli tui y aphi vui,’ napi baly nangchi i thui nai kamta tym ai.

MARKA 11:13

Naibaly mymy ly thaidu keung ngam awm nai kamlora y niu iy, athai niu na mo, nanai chei tapai; naibaly tym iy thaidu athai ai nai neng ny y nai deaungkho y, ngam ny y baly ati sai py niu y.

MARKA 16:17

Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

JOHAN 14:28

‘Kai ly tako veng ai i, nangchi teng y kang jeu teang ai,’ kang napi nai ly nangchi pany bo. Nangchi ly kai ai tamen baly, kai ly Ampo teng y kachei ai nai deaungkho y nangchi kawn ai bo; ati mana nai mo nabaly Ampo ly kai tleaung y len keh nai ne.

JOHAN 16:7

Na i py kaimy leu meitang kang thui pi; kai chei baly nangchi i vui avo ai; kai chei y baly Awm Hai Nem nai Keung ly nangchi teng y ang jeu ai ny y; kai chei baly ni ai nangchi teng y kang pato ai.

JOHAN 4:37

‘Leaungrei ly hei, khumi takhra my tyn,’ nanai leu ly hunira y ly teng parai.

JOHAN 5:20

Ampo ly Chapo ai tamen, ni i atiti sa nai ngierei py mymy teng y patei: naibaly nangchi ly lyh thai ai nai hini tleaung y atiti sa nai lyh nai py ni teng y patei bi ai.

JOHAN 7:33

Naibaly Isu my, “Tanarei chy sala y nangchi teng y kang awm ai i, kai ai pato nai keung teng y kachei vui ai.

JOHAN 7:39

Huni leu ly mymy ai ym naichi i nga ai nai Phailo i satang thui nai ne: Isu ai palo y rai nai deaungkho y Phailo pei y rai.

AMTAW 10:46

ati mana nai mo nabaly leu athai y nai thui nai hawi Tameuh ai palo nai py nichi thai u lawh.

AMTAW 16:18

Mymy ly hunai kamta kani kra parai nai sa. Hunaibaly Pawla ly paleung hawi y i, hi vui iy vawinam teng y ly, “Isu Krista i amyn y mymy i taku theung i dengdairei theu ai nai leu kang pei,” napi. Naibaly huna nai thym khyp khala y my theu ryp bo.

AMTAW 19:12

hunaibaly mymy i tlang i atamui nai kanih mo baichu mo no naichi teng y syn i, nichi i no naira ly lawi bo, mymychi taku theung i dengdairei vawinamchi py theu.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

AMTAW 2:41

Naibaly ni i leu tangai nai ngierei ly baptisma nga bo, naibaly huni kani y ly khumi sang thomrei awm panawi bi.

AMTAW 4:16

“Hini khumi nini ai ly achi mana sa ai mo?” Nini ly atiti rengrang ka-teng ny y nai sa, nanai ly Jerusalem i awm nai bawibawichi my hawihai palai pany veng bo:achi py sai py apha thai y pui ly.

AMTAW 4:33

Naibaly amtaw thau naichi ly sa thai naira len parai nai hawi Areng Isu Krista i angthau bi nai satang thui pi: naibaly mymychi bawibawi teng y khrikhri pa-rei pahenra awm.

AMTAW 4:4

Na i py leu tangai naichi theung y neangneangchi my ly ym, nichi i nawi nai sai ly neampacho ka-cheang ryry naimy sang pangrei awm.

AMTAW 5:15

Naibaly Petera tako nai tarawi y mymy i pa-pui my phyreichi ai deng thai ai nai, no nai khumichi ai py lam y ajeaung i, ira y py nihbai y py paseaung.

AMTAW 6:7

Naibaly Tameuh i leu ly ahei ryh ahei ryh i, Jerusalem y py abangnaichi khrikhri pa-rei peung bo; pathyp pi nai keungchi i kamkawm theung y py neangneangchi ly ym naira patawm bo.

AMTAW 8:7

Ati mana nai mo nabaly khumi neangneang ai nam naichi i taku theung i dengdairei vawinamchi ly athorei my aeu i theu bo; kamkhyn hawi kheu kambai neangneangchi py hawi pawn veng bo;

AMTAW 9:34

Naibaly Petera my ly mymy teng y, “Ainia, Isu Krista my ang hawihai nai bo, angthau ly, nang i nihbai taeang,” napi. Hunaibaly mymy ly angthau praw ryp.

AMTAW 9:40

Na i py Petera my ly nichi ai patheu bebe i, kheukhu di iy chiu sa; naibaly veu mang y mo tha iy, “Tabitha, angthau,” napi. Hunaibaly mymy ly mei pali i Petera ai niu baly angthau i ateh.

ROM AVANGCHI TENG Y PAWLA I CHA PA NAI 15:19

ka-ma-rachi hawi rengrangchi atiti sa thai naira y py, Phailo Kachai i atiti sa thai naira y py, kai ai angteaung nai atiti sa naichi ny y baly kai ly ati sai py kathui vam y leang. Hunaibaly Jerusalem avang hawi huni tengtang i dengdairei Hurikon pri y khairei Krista i Satang Kahawi ly meingtym tleirei y kathuipi angym bo.