JOHAN 13:7 - Khumi Common Language Bible

⁷ Isu my ni teng y, “Kai i atiti sa nai ly vai nang pany y leang rai; na i py vaini bo y pany thai ai,” nanai pathang.

JOHAN 13:7 Iomraidhean Croise

JEREMIA 32:43

Hini pri ly khumi angso hawi tawnbawichi by y nai, khutaha daichi ka-vym lawm ai, nanai py, Babulon khumichi i kiu y tym ai, nanai py, khumichi ly thui u lengleang nai ne. Na i py hini pri i li khaileaungchi ai, ka-jo ka-van sa u bi ai.

DANIELA 12:12

Kani 1,335 rei dym nai neng tym pa-rei, ka-ym awm nai khumi ly taham hawi nai ne.

DANIELA 12:8

Ni i thui pi nai leu thai teu i py, kai ly pany thai y nai deaungkho y kai ly “Na i py areng awi, huni leaungsaichi ly mana khala tem ai mo?,” nanai deng.

JOHAN 12:16

Angchei khala y abangnaichi ly huni satang pany thai y; na i py Isu ai palo nai bo y ly ni i satang huni atitichi tajiu nai ne, nanai hawi, ni i tlang tleaung y huni atitichi sa u bo, nanai py adawn u vau bo.

JOHAN 13:36

Simon Petera my ni teng y, “Areng, nang ly ma mang y chei ai mo?” napi. Isu my, “Vai ly kai i chei ai naira y nang abang thai y leang rai; vaini bo y nang ly abang ai,” nanai pathang.

JOHAN 13:6

Hunaibaly mymy ly Simon Petera teng y tym i ni my ly, “Areng, nang puipui nai kai i kheu paju lawh rai a?” napi.

JOHAN 14:26

Na i py Awm Hai Nem nai Keung Phailo Kachai, Ampo my kai i amyn y ang pato ai nai ly nangchi ai ati cheaungkhang ang patiu ai; kai i nangchi teng y kang thui pi nai ngierei py ang pany hai vau bi ai.