JOHAN 13:34 - Khumi Common Language Bible

³⁴ Atamen u leungtang, nanai leu kangtha kang pei; kaimy nangchi ai kang tamen nai kamta ly nangchi py atamen u leungtang.

JOHAN 13:34 Iomraidhean Croise

SAM 119:63

Kai ly nang i kalop sa pi nai khumi bawibawichi hawi, reita leu tangai nai khumi bawibawichi i ahawi ne.

SAM 16:3

Areng ai ka-ym awm nai khumi ly khri pa-rei hawi parai na lawh ly! Kai i ngai keh nai ly huni khumichi hawi vanrei awm ai nga nai ne.

Levi 19:18

Ami ai vawitheung tha moh, paleung ka-e khai moh. Nangmy ai atamen nai kamta saleaung deaungpa ai py tamen ai nai tla. Kai ly Areng ne.

Levi 19:34

Nichi ai amy cheng tengtawi kamta palawn iy, amy ai atamen nai kamta, nichi ai py tamen teang ai nai tla. Nangchi py Aikupta pri y cheng takhrachi kamta lawm u nai ly apany u jo ba. Kai ly nangchi i Areng Tameuh ne.

MATTHAI 5:44

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

JOHAN 15:17

Nangchi ly atamen u leungtang ai nai hini leu kang pei.

JOHAN 17:21

nichi bawibawi bomrei awm thai ai nai hunichi i vui ly chiu kasa pi nai khyh ny y leang; nichi i leu deaungkho y kai ai ym ai naichi i vui py chiu kasa pi nai ne.

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

ROM AVANGCHI TENG Y PAWLA I CHA PA NAI 13:10

Tamen naira ly saleaungchi ai taphra vai y; hunai deaungkho y tamen naira ly Reita patawm angym nai ne.

ROM AVANGCHI TENG Y PAWLA I CHA PA NAI 13:8

Mangmang atamen u leungtang nai harei ny y baly ami py ati sai py kalai awm moh sy; amy i saleaungchi ai tamen nai keung ly Reita patawm angym nai bo.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

KALATIA 6:10

Hunaibaly achi i avo nai neng tleirei ly khumi bawibawichi i tlang tleaung y atiti kahawi so u sina, naibaly ym nai dengtheungchi i tlang tleaung y so u patyp keh sina.

KALATIA 6:2

Nangchi i myn kaji pho nai ly alawn u, hunaibaly nangchi ly Krista i reita patawm u nai keung lawn ai.

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

KOLOSA 1:4

nangchi i khumi kachai bawibawichi i tlang tleaung y tamen naira awm nai sai satang py kaichi ly thai iy, nangchi i vui chiu kang sa pi jojo i, Tameuh achi i Areng Isu Krista i Ampo teng y ly kaichi ly kawn nai leu thui.

I THESALONIKA 3:12

Naibaly achi i Areng Isu Krista ly mymy i khumi kachai bawibawichi hawi ang jeu nai khala y ly, achi i Tameuh hawi Ampo i mo y ly nangchi i paleung ai ly chai naira y cheh ai nai by y pa-rei my ang khaw hai thai ai nai,

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

HEBRAI 13:1

Amjo amnauchi ai atamen naira ly awm jojo sy.

JAKOB 2:8

Na i py Tameuh i cha-iu leu, “Nangmy ai atamen na kamta, saleaungchi ai tamen ai nai tla,” nanai len keh nai reita patawm u baly, nangchi i sa nai hawi mang:

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

II PETERA 1:7

naibaly Tameuh ai dawn ryhryh naira y ly amjo amnauchi ai aniu ngai naira abawi u ly, naibaly amjo amnauchi ai aniu ngai naira y ly tamen naira abawi u.

I JOHAN 3:11

Angchei kha i dengdairei nangchi i thai nai leu taviu nai ly hini ne he; achi ly atamen leungtang ai nai tla, napi nai ly:

I JOHAN 3:23

Achi ly mymy i Chapo Isu Krista i amyn y ym iy, mymy i leu pei nai kamta atamen leungtang ai nai mymy i leu pei nai ne he.

I JOHAN 4:21

Achi ly mymy teng i dengdairei hini leu pei nai ly awm he; ami py Tameuh ai tamen baly, mymy i amjo amnau ai tamen teang ai nai tla, napi nai ne.

II JOHAN 1:5

Naibaly lo awi, nang teng y leu pei nai kangtha tajiu nai kamta ny y naimy, angchei kha i dengdairei achi i nga nai kamta katajiu nai teu, achi ly tamen leungtang ai nai kang takeng nai he.