JOHAN 13:27 - Khumi Common Language Bible

²⁷ Naibaly tako sei pei nai bo y Setan ly ni teng y kun praw ryp. Hunaibaly Isu my ni teng y, “Nang i sa ai nai ly so kaliki jau,” napi.

JOHAN 13:27 Iomraidhean Croise

1 ARENG KEH 18:27

Kani thun bo nabaly Elija ly nichi teng y, “Nangchi ly hini tleaung y aeu iy chiu so u! bala ly tameuh ne! Ni ly atiti dawn vui lawh mo, sakhawn maikawm thau vui lawh mo, khuleaung chei vui lawh mo, ti y baly i vui lawh i, nangchi my palaw u!” nanai panui hai bo.

SAM 109:6

Kai i paleung ka-echi ai tara chih ai nai, un cha nai tara chih keung ai, khai takhra pi kyh ba; ni i paleung ka-e leaungrei my, ni ai seu hai ba.

LEU KACHENG 1:16

Nichi ly hawi y nairachi sa ai nai panga y; nichi ly khumi padei ai nai avawrei angvei u rym nai ne.

Parip nai leu 9:3

Huni khumi bawibawichi py khym taham ly vanrei avum u nai ne; hini leaungsaichi py hini khaileaung pri y tym nai takhra leaungsaichi kamta, leu meitang adyh adawi naira by y. Khumichi ly heng nai ryrei, nichi i paleung ly hawi y naira hawi pathu naira my kawi nai ne i, nichi ly vaimy dei u ryp nai ne.

DANIELA 2:15

Naibaly Ario my Daniela teng y satang angym pa-rei thui pi nai ne.

MATTHAI 12:45

Hunaibaly chei iy mymy tleaung y kamngo keh nai vawinam takhra saryhrei hawi i, hu y kun iy awm u jo ryp; naibaly huni khumi i kangkhym i awm nai sai ly angchei i tleaung y hawi y keh bo. Hunai kamta ly vai deung i kangthau kamngo parai naichi i tlang tleaung y tym ai,” nanai pathang.

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

MARKA 6:25

Naibaly ni ly awn parai naimy samrang teng y kun praw i, “Saibi y Baptis sa nai keung Johan i lu kai ai pei praw ai nai ngai,” nanai hnei.

LUKA 22:3

Naibaly Setan my holai nyhreichi theung y abawi nai Juda, Iskariota napi nai i taku theung y kun iy,

JOHAN 13:2

Naibaly dym biu cha nai kha y (huni ny y rai khala py Setan ly Simon i chapo Iskariota Juda i paleung y mymy ai patiu hai ai nai pachei iy).

JOHAN 13:28

Naibaly sabawi ahawi i chi ly ami py ni i napi nai ly mana nai sai mo, nanai pany y.

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.

AMTAW 5:3

Na i py Petera my, “Anania, Phailo Kachai ai ka-chawi thui ai nai hawi, meingtym vang ly phyrei um mai veng ai nai py ati mana nai nang i paleung y Setan my kawi hai lawh?