JOHAN 13:18 - Khumi Common Language Bible

¹⁸ Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

JOHAN 13:18 Iomraidhean Croise

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

JEREMIA 41:2

Nathania i chapo Ismaela hawi, my i khumi leaung horeichi ly mychi i haisauchi atheu u kryh iy, samrang i bangtang kalen Kedalia ai tleh u bo.

MATTHAI 10:36

Ami i paleung ka-echi ly mymy i dengtheungchi theung i khumi kypkyp my ne ai.

MATTHAI 26:21

naibaly nichi ly cha u nai thym khala y mymy ly, “Meitang khyp kang thui pi, nangchi theung i leaungrei my kai ai ang patiu hai ryp ai,” napi.

MATTHAI 26:23

Naibaly mymy ly, “Kai ai bikheaung y ang tapo hai nai keung kypkyp my ang patiu hai ai.

MARKA 14:17

Naibaly dym mang y mymy ly holai nyhreichi hawi chei i, biu o nai cha u nai thym khala y Isu my,

MARKA 14:18

“Meitang khyp kang thui pi, nangchi theung i leaungrei, kai teng y cha teang nai kypkyp my ly kai ai ang patiu hai ryp ai,” napi.

MARKA 14:20

Naibaly mymy ly nichi teng y, ‘Holai nyhrei theung i leaungrei, bikheaung y ang tapo hai nai keung ne.

LUKA 22:21

Na i py khen cham, kai ai patiu hai ai nai keung i kiu ly kai i ahawi y sabawi tleaung y awm.

JOHAN 13:21

Isu ly huna nai thui pajau baly paleung mawn i, “Meitang khypkhyp kang thui pi, nangchi theung i leaungrei my kai ai patiu hai ryp ai,” nanai pany hai bo.

JOHAN 13:22

Naibaly abangnaichi ly ami ai napi nai mo, nanai pany y i, akhen u lengleang.

JOHAN 13:26

Naibaly Isu my, “Kaimy tako sei padeung pi iy pei nai keung ne ai,” nanai pathang. Hunaibaly tako sei iy padeung nai bo y la i, Iskariota Simon i chapo Juda teng y pei.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:19

Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.

JOHAN 15:25

Ati py ne sy mychi i Reita y, ‘Nichi ly ati sai py ny y pui naimy kai ai niu ngai y,’ nanai leu tajiu nai tym ai nai na a hi ly.

JOHAN 17:12

Kai ly nichi teng y awm nai sala ryrei ly nangmy kai teng y au naichi ai ly nangmy i amyn y kaimy kry bo: nichi ai kaimy typ i, tama nai chapo ny y baly nichi theung y leaungrei py tamo y; huni py Tameuh i cha-iu leu sai tym thai ai nai ne.

JOHAN 18:32

Isu my amy i dei nai sai satang thui nai kamta tym thai ai nai, Judachi my ly Pilata teng y, “kaichi ly ami ai py padei ngau y,” napi.

JOHAN 19:24

hunai deaungkho y nichi ly, “Sei y han bo, ami ngo na mo tambe va sina,” na u leungtang. (Tameuh i cha-iu leu sai, “kai i ateaung amji u iy, Kai i baichu i vui py tambe va u,” nanai tym thai ai nai,) Huni atitichi ly tavaimichi my sa khyp.

JOHAN 19:36

Ati mana nai mo nabaly Tameuh i cha-iu leu sai, “Ni i hiu ha py tleu hai ai ny y,” nanai tym thai ai nai huni atitichi tym bo.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.

AMTAW 1:16

“Amjo amnauchi awi, Phailo Kachai my Davida i labeaung y Isu ai patiu nai keungchi ai pahawi nai keung Juda i satang thui yb nai ly, huni Tameuh i cha-iu leu sai ly ang tym tanga nai bo.

AMTAW 1:2

mymy ly Phailo kachai i saho y ni i vawi nai amtaw thau naichi teng y leu pei pajau iy, kani mang y pahawi kalau vui nai kani tym pa-rei nai leu ly kaimy tajiu bo.

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.