JOHAN 13:14 - Khumi Common Language Bible

¹⁴ Hunaibaly kai, Sara hawi Areng malawn py nangchi i kheu kang paju pi baly, nangchi py nangmychi tengtawi kheu apaju leungtang ai nai tla.

JOHAN 13:14 Iomraidhean Croise

JOHAN 11:2

Huni ly Areng ai rimui thi iy mymy i sam hawi Isu i kheu tamui pi nai Mari ne. No nai khumi Lazara ly mymy i ampro ne.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

ROM AVANGCHI TENG Y PAWLA I CHA PA NAI 12:16

Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.

I KORINTH 12:3

Hunai deaungkho y ami py Tameuh i phailo mang i leu thui iy, Isu ly amsawi lawi nai ne, nanai tapi pajeu y; naibaly ami py Phailo Kachai y harei ny y baly Isu ly Areng ne, nanai tapi pajau y, nanai kang pany hai nai ne.

I KORINTH 8:13

Hunai deaungkho y cha ai nai ly kai i amjo amnauchi ai atlym hai baly, kai i amjo amnau ai atlym hai y ai nai deungtasa khrairei den py mawi kacho y ai.

II KORINTH 10:1

Naibaly kai Pawla kypkyp, nangchi theung y awm khala ly nangchi i mei ka-niu y leu anui parai nai kaawm i, nangchi teng y awm y nai khala ly nangmychi ai vam nai ly, Krista i leu kanem hawi neaung hawi naira y kang takeng nai ne;

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

PHILIPI 2:11

Tameuh my ni ai ly khri pa-rei palo i, amyn bawibawi y amyn asang keh nai ly pei bo.

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

I PETERA 4:1

Hunaibaly Krista ly tlang mang y patang nai deaungkho y nangchi py hunai kamta paleung ly hai kamta teaung u teang; tlang mang y patang nai khumi ai ly kamngo mang y anawn hai veng nai bo;

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.