JOHAN 12:43 - Khumi Common Language Bible

⁴³ ati mana nai mo nabaly nichi ly Tameuh my palo nai tleaung y khumi i palo nai ngai keh.

JOHAN 12:43 Iomraidhean Croise

SAM 22:29

Paleung len nai khumi bawibawichi ly nang teng y lu meung u ai. Dei nai amjy khumi bawibawichi ly nang i mo y lu meung u ai.

LEU KACHENG 29:25

Amy i tlang tleaung y khumi takhrachi my ati mana dawn na mo, nanai paleung mawn nai khumi ly ka-jeira avum ai. Na i py Areng teng y abyh nai khumi ly chymme ai.

MATTHAI 6:2

Hunaibaly nang ly amichi teng y atiti pei baly khumichi i palo naira nga thai ai nai, tapawp nai khumichi i achura yhm hawi lam y sa reng nai kamta ly nang i mo y baw eng hai reng moh. Meitang khyp kang thui pi, nichi ly mymychi i kawn nai vang nga be veng bo.

LUKA 16:15

Hunaibaly ni ly mymychi teng y, “Nangchi ly khumi i mei ka-niu y kahawi sa u nai teu; na i py Tameuh my nangchi i paleung ly pany veng; khumichi tengtawi apalo nai ly Tameuh i mei ka-niu y ly kamso awm parai.

LUKA 19:17

Naibaly mymy ly ni teng y, ‘Miseaung kahawi, nang i sa nai hawi mang; maiden chy naira y ka-ym awm nai deaungkho y avang horei y peang,’ napi.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

JOHAN 5:41

Khumi i palo nai ly kakawn y leang.

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

JOHAN 7:18

Ami py amy i leu paseang iy thui nai ly amy ai apalo naira hau nai teu; pato nai keung ai palo naira hau nai ly huni khumi kypkyp ly meitang ne, mymy teng y ly hawi y naira den py by y.

JOHAN 8:54

Isu my, “Amy ai apalo baly kai i apalo nai ly ati sai py ny y leang: Ngaai ly kai ai palo nai keung na a; mymy ai ly nangchi my, ‘Ni ly kaichi i Tameuh ne,’ napi.

ROM AVANGCHI TENG Y PAWLA I CHA PA NAI 2:29

Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, phailo y ne; huni ly khumi i palo naira ngo y naimy, Tameuh i palo naira nga lawh.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

II KORINTH 10:18

Areng my kahawi thui nai naini palo naira nga nai teu.

I THESALONIKA 2:6

naibaly kaichi ly Krista i amtaw thau nai ne nai deaungkho y nangchi ai myn pho hai ai nai avo y i py, nangchi teng y py kalangchi teng y py palo naira kang hau y leang bo.

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

1 SAMUELA 15:30

Sawla my, “Kai ly kamngo kasa lawh bo; na i py thuitlamsi ly kai i cheng lu sa nai keungchi i mo y py, Israela cheng vereichi i mo y py, kai i tahm awm nai phra hai y naimy, kai ly nang i Areng Tameuh ai chiu pajau ai nai, kai hawi vanrei abang teang kyh ba,” nanai takeng.

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.