JOHAN 12:26 - Khumi Common Language Bible

²⁶ Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

JOHAN 12:26 Iomraidhean Croise

SAM 17:15

Kai ly kamngo so y nai deaungkho y nang ai niu ai; kai ly ira i nai ang thau nai khala, nang ly kai hawi vanrei awm nai deaungkho y, amo theu naira nga ai.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

LEU KACHENG 27:18

Thaidu keung ai palum pachai nai khumi ly thaidu athai cha ai nai nga ai. Amy i yhmkeung ai kry ryhpatyh nai miseaung py, tahm pasang nai avum ai.

Kati Nai 14:24

Na i py kai i miseaung Kaleb ly takhra khumichi hawi atawm y i, kai i leu ai takhawi y naimy tangai nai khumi ne nai deaungkho y, ni i khen paviu nai pri y ni ai kaimy pahawi ai.

Kati Nai 32:11

‘Nichi ly kai i leu tangai u y nai deaungkho y, Aikupta pri i theu naichi theung i saneng apomrei hawi leng, neampacho ami py Abraham, Isaka, Jakobchi teng y kaimy adeu nai pri y kun ai ny y,’ nanai tau iy leu pei yb bo.

MATTHAI 16:24

Hunaibaly Isu ly abangnaichi teng y, “Ami py kai teng y abang ai nai ngai baly amy i kangai khai su iy, amy i kraws apu naimy kai teng y abang sy.

MATTHAI 25:21

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; nang ly maiden chy naira y ka-ym awm i, nawi parai naira tleaung y kang khai ai mang; nang i yhmkeung i kawn naira y kawn teang,’ napi.

MARKA 8:34

Naibaly mymy ly khumi mipuichi ai ly abangnaichi hawi palau i nichi teng y, “Ami py kai teng y abang ai nai ngai baly amy i kangai khai su iy amy i kraws apu naimy kai teng y abang sy.

LUKA 12:37

Yhmkeung jeu nai neng khala y miseaung ajeng rym naimy niu nai miseaungchi ai ly taham hawi ai; meitang khyp kang thui pi, ni my ly neina akyn ai i, mymychi ai biu o hai iy nichi ai kry ai.

LUKA 6:46

“Naibaly nangchi ly kai i leu tangai y pui naimy ati mana nai kai ai ‘Areng, Areng,’ napi lawh mo?

LUKA 9:23

Naibaly mymy ly khumi bawibawichi teng y, “Ami py kai teng y abang ai nai ngai baly, amy i kangai khai su iy amy i kraws apu naimy abang sy.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 13:16

Meitang khypkhyp kang thui pi, miseaung ly yhmkeung tleaung y len y leang; pato nai khumi ly pato nai keung tleaung y len y leang.

JOHAN 14:15

“Nangchi ly kai ai tamen baly kai i leu pei naichi tangai u ai.

JOHAN 14:3

Naibaly kai chei iy nangchi i vui meingtym sa rym baly, nangchi py kai i awmra y awm thai ai nai, kai kang jeu bi ai i nangchi ai py kai teng y kang la ai.

JOHAN 15:20

Miseaung ly yhmkeung tleaung y len y leang, nanai leu kang thui pi nai ly dawn u. Nichi my kai ai ana baly nangchi ai py ana teang ai; nichi ly kai i leu tangai baly nangchi i leu py tangai teang ai.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

JOHAN 21:22

Isu my ni teng y, “Kai kang jeu bi nai khala khrairei mymy awm jo ai nai kai ngai baly nang ly mana sa nai? Nang ly abang phai abang,” napi.

ROM AVANGCHI TENG Y PAWLA I CHA PA NAI 1:1

Pawla, Isu Krista i miseaung amtaw thau nai lawn ai nai palau nai, Tameuh i Satang Kahawi thui pi ai nai khai takhra nai ly,

ROM AVANGCHI TENG Y PAWLA I CHA PA NAI 14:18

Ami py huni kamta Krista i kalop sa nai khumi ai ly Tameuh my kawn i, khumichi py palo.

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

II KORINTH 5:8

kaichi ly paleung sorai nai awm kana nai ne:kaichi ly tlang y awm y nai, Areng teng y awm ai nai ngai keh.

KALATIA 1:10

Ti y baly vai kai ly khumi ai kaparawi nai a? Tameuh ai a? Khumichi ai kawn hai ai nai katau nai a? Vai khumichi ai kawn hai nai kaawm rai baly, kai ly Krista i miseaung ny y ai bo.

PHILIPI 1:23

Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iy Krista teng y awm ai nai kangai parai naira awm nai deaungkho y; huni ly khi pa-rei hawi keh veng.

KOLOSA 3:24

Areng i vui kamta sa iy, ham parai naimy so u; nangchi ly Areng Krista i kalop sa u nai chy bo.

KOLOSA 4:12

Epaphra, nangmychi theung i khumi leaungrei, Krista Isu i miseaung my ly nangchi ai kawn nai leu ang thui pi mang; nangchi ly Tameuh i kangai ngierei y cheang nai hawi ym cheng cheng nai angdo u thai ai nai, ni i chiu sa naichira y ly nangmychi i vui hawihai palai chiu ang sa pi patyp jojo nai ne.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

I JOHAN 5:3

Achi i Tameuh ai tamen nai ly mymy i leu pei nai patawm nai ne; mymy i leu pei nai ly myn kaji pho hai nai ny y leang.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.