JOHAN 11:25 - Khumi Common Language Bible

²⁵ Isu my ni teng y, “Kai ly angthau teang naira hawi hengra py ne; ami py kai ai ym nai ly dei i py heng ai;

JOHAN 11:25 Iomraidhean Croise

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

ISAIA 38:16

Aw Areng, kai ly nang i vui, nangmy leaungrei i vui kaheng ai. Kai i no ang vawi hawi hai iy kai ai heng ai nai pei kyh ba.

LUKA 23:43

Naibaly ni my ly mymy teng y “Meitang khyp kang thui pi, vaini ly nang py kai teng y Paradais y awm teang ai mang,” napi.

JOHAN 1:4

Mymy y ly heng naira awm i, huni heng naira ly khumichi i kangvang ne.

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

JOHAN 5:21

Ampo my kadeichi ai pathau iy paheng nai kamta ly, Chapo py ni i ngai nai ngierei ai ly paheng teang.

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 6:35

Naibaly Isu my nichi teng y, “Kai ly heng nai tako ne:ami py kai teng y jeu nai ly biu alam y ai, ami py kai ai ym nai ly mana khala y py tui ahai y ai.

JOHAN 6:44

Kai ai pato nai keung ampo my ni ai pahawi ryp y baly, ami py kai teng y jeu thai y; naibaly kai ly kani kangkhym y ly ni ai pathau ai.

AMTAW 3:15

na i py mymy ai ly Tameuh my kadeichi theung i dengdairei pathau teang bo, kaichi ly huni pany hai nai keung ne.

ROM AVANGCHI TENG Y PAWLA I CHA PA NAI 4:17

Abraham ly kadeichi ai paheng nai keung hawi, atiti awm y naichi ai ly awm nai kamta palawn nai keung, mymy i ym nai Tameuh i mei ka-niu y ly achi bawibawi i ampo ne. (Cheng neangneangchi i ampo y kang palawn bo, nanai tajiu nai kamta.)

ROM AVANGCHI TENG Y PAWLA I CHA PA NAI 8:2

Ati mana nai mo nabaly Krista Isu y heng naira phailo i reita my ly kamngo hawi dei naira reita i nai ly kai ai ang law hai veng bo.

I KORINTH 15:18

Huna nai ne baly Krista y i ngym naichi py tama pawn bo ngaw khyh.

I KORINTH 15:29

Hunai kamta ny y baly kadeichi i jeng y baptisma nga naichi ly mana sa ai mo? Kadeichi ai pipi pathau nai by y baly, nichi ly ati mana nai mymychi i jeng y baptisma nga u lawh mo?

II KORINTH 4:14

Areng Isu ai pathau nai keung my ly kaichi ai py Isu teng y vanrei pathau teang iy, kaichi ai nangchi hawi vanrei angdo hai ai, nanai kaichi pany.

PHILIPI 1:23

Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iy Krista teng y awm ai nai kangai parai naira awm nai deaungkho y; huni ly khi pa-rei hawi keh veng.

PHILIPI 3:10

mymy i dei nai ka-tawm dei iy, mymy ai hawi mymy i angthau bi naira i atiti sa thai naira hawi, mymy i patang nairachi amtawm hai nai py kapany thai ai nai hawi,

I THESALONIKA 4:14

Isu ly dei i angthau teang bo, nanai achi ym makho baly, Isu y i ngym chum naichi ai ly Tameuh my mymy hawi vanrei ang hawi teang ai.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 20:5

Khumi kadei takhrachi ly huni saneng sangrei khei y ryrei ly heng bi u y leang rai. Huni ly angchei i angthau bi naira ne.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.

AMTENG HAI NAI 22:1

Naibaly mymy ly huni i lam pareaung sala y heng naira jangpang tui, krustala lengseaung kamta angvang nai, Tameuh hawi Beram Cho i areng atehra dengdairei theu nai ang khen hai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.