JOHAN 10:38 - Khumi Common Language Bible

³⁸ Na i py kai ly sa nai ne baly, Ngaai ly kai teng y awm nanai hawi, kai ly Ngaai teng y awm, nanai py nangchi tangai iy pany thai ai nai, kai ai ym u y i py kai i atiti sa nai ly ym u,” nanai pathang.

JOHAN 10:38 Iomraidhean Croise

JOHAN 10:25

Naibaly Isu my nichi teng y, “Kang thui pi bo ly, nangchi ym y be; Ngaai i amyn y hini kai i atiti sa naichi ly kai i satang pany hai nai na a.

JOHAN 10:30

Kai hawi Ngaai hawi ly bomrei ne,” nanai pathang.

JOHAN 11:4

Isu my huna nai thai i, “Tameuh i Chapo ly hini deuangkho y palo naira nga thai ai nai, hini no nai ly dei hai ai nai ny y leang, Tameuh ai palo ai nai no nai teu,” napi.

JOHAN 14:20

Huni kani y kai ly Ngaai teng y awm, nanai hawi, nangchi ly kai teng y awm, nanai hawi, kaimy nangmychi teng y awm nanai py nangmychi my pany ai.

JOHAN 17:11

Naibaly kai ly khaileaung pri y awm y leang bo, hinichi ly khaileaung pri y awm ai, kai naini nang teng y kang vawi ai bo. Aw Ngaai Kachai, nichi ly ani kamta bomrei awm thai ai nai, nangmy kai teng y au naichi ai ly nangmy i amyn y kry ba.

JOHAN 3:2

Huni khumi ly vum y Isu teng y chei i ni teng y, “Sara! Tameuh teng i nai leu patiu nai keung y nang jeu, nanai kaichi pany; ati mana nai mo pany baly Tameuh my awm hai y baly hini nang i rengrang sa naichi ka-tawm ami py so thai y,” napi.

JOHAN 5:36

Na i py kai ai pany hai naira ly Johan i pany hai nai tleaung y len keh nai ne; Ampo my kai ai pato, nanai Ampo my kai ai atiti sa pajau ai nai au nai, kai i atiti sa nai khypkhyp my kai i satang pany hai.

AMTAW 2:22

“Israela khumichi awi, hini leu ly tangai u cham: Nazaret Isu ai ly Tameuh my mymy ai teaung iy nangchi theung y atiti nang parai naichi hawi, atiti rengrangchi hawi ka-ma-rachi hawi sa nai ly hawihai ang pany hai nai, huni ly nangmychi kypkyp my pany bo.

I JOHAN 3:24

Mymy i leu pei nai patawm nai khumi ly mymy teng y awm jojo i, mymy py ni teng y awm jojo teang nai ne. Naibaly mymy ly achi teng y awm jojo nanai ly Phailo ang pei naira y ly achi pany.