JOHAN 10:31 - Khumi Common Language Bible

³¹ Naibaly Judachi ly ni ai aphi ai nai lengseaung akhui u bi.

JOHAN 10:31 Iomraidhean Croise

THEU NAI 17:4

Mosi ly Areng teng y chiu sa praw i, “Hini khumichi i vui kai mana kasa pi pajau ai mo? Nichi ly kai ai lengseaung hawi aphi ka ai nai tau u dudu bo,” napi.

MATTHAI 12:14

Hunaibaly Pharisaichi ly theu iy mymy ai padei thai ai nai sai arum u bo.

MATTHAI 21:35

Naibaly akho kry nai keungchi my ly mymy i miseaungchi ai patiu iy, leaungrei ai ly pakhau, leaungrei ai ly padei, leaungrei ai ly lengseaung y aphi u ka.

MATTHAI 23:35

hunaibaly khumi kahawi Abela i thi dengdairei, meingtym kachai hawi maicham sala y Barakia i chapo Zakaria ai nangchi my padei nai thi khrairei, khaileaung tleaung i khumi kahawichi i thi theu nai bawibawi ly nangchi i tlang tleaung y tym ai.

JOHAN 1:19

Naibaly Judachi ly, “Nang ly ami mo?” nanai deng ai nai Jerusalem avang i dengdairei ni teng y pathyp pi nai keungchi hawi Levi chengchi ai pato khala y Johan i pany hai nai leu ly hini ne he.

JOHAN 10:24

“Nang ly kaichi ai paleung bi hai ai nai mana tanrei kra ai rai mo? Nang ly Krista ne nabaly hawihai chai pyn naimy thui pi jau bei,” napi.

JOHAN 10:32

Naibaly Isu my nichi teng y, “Ampo teng i nai atiti kahawi sa naichi neangneang ly kang patei bo; huni atiti sa naichi theung y mani nai y mo kai ai lengseaung y aphi ai tau u nai ly?” nanai pathang.

JOHAN 11:8

Abangnaichi ly mymy teng y, “Rabbi, jangvai my Judachi ly nang ai lengseaung y aphi ai nai tau be; huna i py hu y ly chei bi ai rai a?” napi.

JOHAN 5:18

Hunaibaly anawn Kani taphra nai harei khyh py ny y i, Tameuh ly mymy i Ampo kypkyp y pathi iy Tameuh tanrei amlawn nai deaungkho y Judachi ly ni ai padei ai nai hau ra.

JOHAN 8:59

Hunaibaly nichi ly aphi ai nai lengseaung akhui u, na i py Isu ly aheu i achura yhm kalen pui i nai theu veng.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.