JOHAN 10:3 - Khumi Common Language Bible

³ Katheu pa-kho typ nai keung ly ni ai paeaung pi i, beramchi ly ni i raawi thai, naibaly ni ly mymy i beramchi ai amyn palau iy angam mang y pahawi.

JOHAN 10:3 Iomraidhean Croise

SAM 80:1

Israela chengchi i beram typ nai keung awi, kaichi i hnei takeng nai tangai pi kyh ba. Beram kanghuchi ai pahawi nai keung awi, kaichi i hnei takeng nai tangai pi kyh ba. Kheruben salo y awn nai keung awi,

THEU NAI 33:17

Areng ly Mosi teng y, “Kai ly nang ai hawihai palai pany iy paleung kang no nai deaungkho y, nang i hnei nai kamta kang sa pi ai,” napi.

LEU KACHENG 27:23

Yhmtheaung katui ly akan y nai deaungkho y, nang i beram kanghuchi hawi, si kanghuchi ai kawp nai ryrei kry ba. Ati mana nai mo nabaly saleaung khutengchi malawn py, deungtasa khaw jo, nanai by y.

Solomon i khulym 8:13

Kai i khrei nai awi, akho theung i dengdairei, nang i raawi thai ai nai pei kyh; nang i leu raawi ai ly kai i ahawichi py kano patheung u nai ne.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

JOHAN 10:14

Kai ly beram typ nai keung kahawi ne.

JOHAN 10:16

Naibaly hini hai theung i ny y naimy, kai i beram takhrachi py awm rai; nichi ai py kaimy pahawi ai nai tla, kai i raawi py nichi thai u ai; hunaibaly kamkawm harei hawi typ nai keung leaungrei py awm ai.

JOHAN 10:4

Mymy i bawibawi ang patheu pajau baly mo mang y pahawi i, beramchi ly ni i raawi pany nai deaungkho y ni teng y abang u.

JOHAN 10:9

Kai ly katheu pa-kho ne: ami py kai i saho y kun baly lawi hai ai, naibaly ni ly kun py kun, theu py theu ai i teicha tlai ai naira nga ai.

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 6:45

Amochi i cha-iu y ly, ‘Tameuh my nichi bawibawi ai patiu ai,’ nanai tajiu nai ne. Ami py Ampo i leu thai iy amtiu nai ngierei ly kai teng y ang jeu.

ROM AVANGCHI TENG Y PAWLA I CHA PA NAI 8:30

naibaly mymy i khai rym naichi ai ly ang palau teang; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang.

I KORINTH 16:9

ati mana nai mo nabaly katheu pa-kho kau parai nai hawi chawn parai naimy kai i vui am-eaung lawh, naibaly ang tiu nai keungchi py neangneang awm.

PHILIPI 4:3

Ne, nang, kai i paleang savan apatli ahawi tatang nai ai py kang takeng, tuni neampachy nini ai ly sabawm ba; nini ly Satang Kahawi y kai hawi sa ahawi reng, Klementa hawi, kai i sa ahawi nai takhra, hengra cha-iu y amyn awm naichi py.

KOLOSA 4:3

kai ai ang kawm nai aly ly Krista i leu kathiu thui pi ai nai, Tameuh my leu i vui kaichi ai katheu ang paeaung pi ai nai hawi,

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

I JOHAN 4:6

Achi ly Tameuh teng i nai ne; Tameuh ai pany nai khumi ly achi i leu tangai; Tameuh teng i nai ny y nai khumi ly achi i leu tangai y leang. Hunira y ly phailo meitang nai hawi, phailo meitang ny y nai py achi pany.

III JOHAN 1:14

Nang i tlang tleaung y awmnem naira awm sy. Ahawichi my ly nangchi teng y kawn nai leu ang thui pi.

AMTENG HAI NAI 20:15

Naibaly ami i amyn ly heng naira cha-iu y tajiu angchi nai niu y baly mymy ai ly mai ang y aphi vui teang.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.