JOHAN 10:28 - Khumi Common Language Bible

²⁸ kai ly nichi teng y deungtasarei hengra kapei; nichi ly deungtasa ryrei tamo y ai; ami py kai i kiu i nai ang lawm pi y leang.

JOHAN 10:28 Iomraidhean Croise

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

SAM 31:5

Kai ly kaimy ai nang i kiu y kang-au bo. Aw Areng, nang ly kai ai atleu ai; nang ly ka-ym awm nai Tameuh ne.

SAM 37:28

Ati mana nai mo nabaly Areng ly kahawi sa nai ai kawn iy, mymy ai ka-ym awm nai khumichi ai khai su y nai deaungkho y ne. Mymy ly nichi ai avawrei ama hai bo. Na i py khumi hawi y naichi i kangpreangchi ly pri pala nai avum ai.

LEU KACHENG 24:16

Khumi kahawi ly avawrei atlym teu i py, ni ly ang thau ali teang jojo ai. Na i py khumi hawi y naichi ly ka-jeira avum nai khala atlym u ai.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 27:3

“Kai ly hini akho ai avawrei khen iy tui kaleih pi. Ami my py taphra pajau y ai nai vum kanithun kry pi nai ne.

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

JEREMIA 23:4

Kai ly nichi ai kry ai nai peang nai keungchi kakhai pi ai. Kai i khumichi ly jei hyn u ai ny y. Kai ly nichi ai kapajeng ali bi ai ny y. Hini ly kai, Areng i thui nai leu ne,” napi.

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

LUKA 23:46

Naibaly Isu ly tao pajeng parai naimy aeu i, “Ngaai, nang i kiu y kai i phailo kang au ba,” napi. Naibaly huna nai thui pajau iy mymy i phailo patlaw bo.

JOHAN 10:29

Nichi ai kai teng y au nai keung Ngaai ly bawibawichi tleaung y len keh nai ne: ami py Ngaai i kiu i nai ang lawm pi thai y leang.

JOHAN 11:25

Isu my ni teng y, “Kai ly angthau teang naira hawi hengra py ne; ami py kai ai ym nai ly dei i py heng ai;

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

JOHAN 18:9

Ni i leu ly, “Nangmy kai teng y au naichi theung y leaungrei ai py katamo y leang,” nanai tym ai nai thui nai ne.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 6:47

Meitang khypkhyp kang thui pi, ym nai khumi ly deungtasarei hengra nga bo.

JOHAN 6:68

Simon Petera ly ni teng y, “Areng, kaichi ly ami teng y chei ai mo? Deungtasarei hengra leu ly nang teng y awm chy bo.

AMTAW 7:59

Hunaibaly Stephana ly, “Areng Isu awi, kai i phailo lo ba,” nanai palau nai thym khala y ly nichi ly lengseaung y aphi tliu siu na.

ROM AVANGCHI TENG Y PAWLA I CHA PA NAI 5:17

Khumi leaungrei kamngo nai deaungkho y dei naira my leaungrei deaungkho y peang makho baly, khrikhri pa-rei pahenra hawi, jawm pei nai hawi naira nga nai keungchi ly khumi leaungrei (Isu Krista) deaungkho y heng naira y peang takengkei ai.

ROM AVANGCHI TENG Y PAWLA I CHA PA NAI 5:2

mymy i saho y teang, achi i hini pahenra kakhaw angdo naira y ly ym naira deaungkho y kun bo; naibaly Tameuh i nang parai naira ai phy nga ai nai athang khai iy kawn u sina.

ROM AVANGCHI TENG Y PAWLA I CHA PA NAI 5:21

hunaibaly kamngo my ly deira y peang nai kamta, pahenra my ly hawi naira y deungtasarei hengra nga ai nai ka-lawn pa-rei achi i Areng Isu Krista i saho y peang thai ai nai, kamngo peung naira tleirei y ly pahenra py khri pa-rei peung ra veng.

ROM AVANGCHI TENG Y PAWLA I CHA PA NAI 5:9

Hunaibaly achi ly mymy i thi y eaung naira nga nai bo y ly, mymy i saho y achi ly Tameuh i kado theu naira i nai hengra nga takengkei ai.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

ROM AVANGCHI TENG Y PAWLA I CHA PA NAI 8:1

Hunaibaly vai ly Krista Isu y awm naichi i vui ly sum hai ai naira ha py by y leang bo.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

Leu Thui Nai 33:3

Areng ly mymy i khumichi ai tamen, mymy i khumichi ai kry ryhpatyh na. Hunai deaungkho y achi ly mymy i kheu keung y ambeu iy, mymy i reita leu pei naichi tangai u bo.

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

II THESALONIKA 2:13

Na i py Areng i ngai parai nai amjo amnauchi awi, Phailo i ang pachai nai hawi leu meitang ai ym iy, pahengra nga ai nai Tameuh my angchei kha i dengdairei nangchi ai ang vawi nai deaungkho y, kaichi ly nangchi i molam y Tameuh teng y kawn nai leu thui jojo nai ne;

I TIMOTHEI 1:16

naibaly vai i dengdairei deungtasarei hengra nga ai nai mymy ai ym naichi ai khen pata naira lawn ai nai, Isu Krista ly kai kamngo keh ai ang kham pi pajau nai sai kangym amteng hai thai ai nai pahen naira kanga bo.

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

I JOHAN 1:2

(huni Hengra ly amteng i, kaichi ly niu iy, pany py pany hai, naibaly huni deungtasarei Hengra Ampo teng y awm nai, kaichi teng y amteng nai ly kaichi my kang thui pi nai he;)

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

I JOHAN 2:25

Naibaly mymy kypkyp i achi ai adeu hai nai ly deungtasarei hengra ne he.

I JOHAN 5:11

Tameuh my deungtasarei hengra ang pei i, huni hengra ly mymy i Chapo teng y awm, nanai ly pany hai naira ne he.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

JUDA 1:21

Phailo Kachai y chiu sa naimy deungtasarei hengra nga ai nai pa-rei achi i Areng Isu Krista i pahen naira ajeng nai tarawi y Tameuh i tamen naira y akry u.

JUDA 1:24

Hunaibaly atlym y ai nai pa-rei nangchi ai ang typ thai ai nai hawi, ni i nang parai naira mo y khrikhri pa-rei amo theu hai iy, chai y naira akau y naimy ang tym hai nai keung, achi ai Paheng nai keung Tameuh leaungrei awm khyh nai teng y ly,

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.