JOHAN 10:16 - Khumi Common Language Bible

¹⁶ Naibaly hini hai theung i ny y naimy, kai i beram takhrachi py awm rai; nichi ai py kaimy pahawi ai nai tla, kai i raawi py nichi thai u ai; hunaibaly kamkawm harei hawi typ nai keung leaungrei py awm ai.

JOHAN 10:16 Iomraidhean Croise

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

Parip nai leu 12:11

Khumi kachengchi i leu ly beramchi typ nai beram typ keung i cheaungvawi kamsui hawi atawm iy, nichi i pateung achu nai thui achi nai leuchi py, khaw parai pa-rei tahen typ nai sengmochi kamta khaw typ jo. Huni leuchi ly achi bawibawi i vui y leaungrei awm khyh nai beram typ keung kalen keh, napi nai Tameuh my ang pei nai ne.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 56:8

Mymy i khumichi ai pri pala naira i dengdairei, mychi i pri y palau ali teang nai Areng ly takhra khumichi ai py, huni khumichi hawi vanrei amkawm iy awm ai nai pahawi ai.

Ezekiela 34:23

Nichi i vui beram typ nai keung leaungrei lawm ai nai, kai i miseaung Davida ka-tawm samrang khai pi ai. Ni my ly nichi ai kry ai.

Ezekiela 34:6

Hunai deaungkho y mawichi hawi mawi aheungchira y ahi lengleang nai ne. Nichi ly khaileaung pri verei y ahei u bo. Nichi ai hau nai khumi hawi, hau ai nai atho sa nai khumi leaungrei py by y.

Ezekiela 37:22

Kai ly nichi ai huni pri Israela mawichira y, pri harei lawm hai ai. Nichi ai peang ai nai samrang leaungrei awm ai. Khumi cheng nyhrei, pri nyhrei awm bi ai ny y.

Ezekiela 37:24

Kai i miseaung Davida ka-tawm samrang ly nichi i samrang lawm ai. Nichi bawibawi ly beram typ keung leaungrei i anui y amkawm u i, kai i reita leuchi ai ka-ym awm parai naimy kry iy kai i leu pei nai tangai u ai.

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

LUKA 15:8

“Naibaly neampachy ami py pia vui pangrei nai horei awm iy, harei tamo sy; maisi thawn i yhm pasi iy, niu ali teang y ryrei ly ami mo hawihai hau y ai nai?

JOHAN 10:11

Kai ly beram typ nai keung kahawi ne; beram typ nai keung kahawi ly beramchi i vui mymy i hengra patlaw pi.

JOHAN 10:2

Na i py katheu pa-kho mang kun nai khumi ly beram typ nai keung ne.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 10:3

Katheu pa-kho typ nai keung ly ni ai paeaung pi i, beramchi ly ni i raawi thai, naibaly ni ly mymy i beramchi ai amyn palau iy angam mang y pahawi.

JOHAN 10:4

Mymy i bawibawi ang patheu pajau baly mo mang y pahawi i, beramchi ly ni i raawi pany nai deaungkho y ni teng y abang u.

JOHAN 10:5

Nichi ly khumi takhrachi i raawi pany y nai deaungkho y khumi takhra teng y ly abang y ai i, angpreng pawn veng ai,” napi.

JOHAN 11:52

Tameuh i chanau khaileaung pri y ahei nai bawibawichi ai ly kamkawm harei y pahawi achu ai nai py ne.

JOHAN 17:20

“Ngaai, nang ly kai teng y awm iy, kai ly nang teng y awm nai kamta ly, nichi py ani teng y awm teang iy, nangmy kai ai pato nanai khaileaung prichi my ym thai ai nai,

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

AMTAW 15:14

“Amjo amnauchi awi, kai i leu tangai u; Angchei y ly Tameuh my mymy i amyn apu ai nai mymychi theung i dengdairei khumichi ai vawi takhra ai nai Cheng Takhrachi ai de nai sai satang ly Sumeona ly thui bo.

AMTAW 18:10

kai ly nang teng y kang awm chy bo, nang ai no hai ai nai nang i tlang tleaung y ami i kiu py tym y leang mang, ati mana nai mo nabaly hini avang y ly kai i khumi neangneang awm,” napi.

AMTAW 22:14

Naibaly ni ly, ‘Achi i amsi sangumchi i Tameuh my mymy i kangai pany ai nai hawi, Khumi Kahawi ai niu ai nai hawi, mymy i labeaung i raawi thai ai nai py nang ai ang khai rym nai bo.

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

II THESALONIKA 2:13

Na i py Areng i ngai parai nai amjo amnauchi awi, Phailo i ang pachai nai hawi leu meitang ai ym iy, pahengra nga ai nai Tameuh my angchei kha i dengdairei nangchi ai ang vawi nai deaungkho y, kaichi ly nangchi i molam y Tameuh teng y kawn nai leu thui jojo nai ne;

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

I PETERA 2:10

nangchi ly jangni y mymy i khumichi ny y leang, vai ly Tameuh i khumichi lawn u bo; nangchi ly jangni y pahen naira ngo y leang, vai ly pahen naira nga u bo.

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.

I PETERA 5:4

Naibaly Beram Typ nai Keung kalen keh my ly amteng nai khala y ly nangchi ly rawm thai y nai nang parai nai areng lukhym nga u ai.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.